ആര്..പറഞ്ഞു ഇതൊക്കെ..ഞാൻ സീറ്റിനായി നിർബന്ധം പിടിച്ചിട്ടില്ല; വേണമെങ്കിൽ എൽഡിഎഫ് കോട്ട പിടിക്കാൻ മത്സരിക്കാം എന്ന് മാത്രമേ പറഞ്ഞോളൂ; തുറന്നടിച്ച് കൊടിക്കുന്നിൽ സുരേഷ് എംപി

മാവേലിക്കര: നിയമസഭാ തെരഞ്ഞെടുപ്പിൽ മത്സരിക്കണമെന്ന് താൻ നിർബന്ധം പിടിച്ചിട്ടില്ലെന്ന് കൊടിക്കുന്നിൽ സുരേഷ് എംപി വ്യക്തമാക്കി. വേണമെങ്കിൽ എൽഡിഎഫ് സ്ഥിരമായി ജയിക്കുന്ന മണ്ഡലം പിടിച്ചെടുക്കാനായി മത്സരിക്കാം എന്ന് മാത്രം പറഞ്ഞിരുന്നു. കെപിസിസി പ്രസിഡന്‍റിന്‍റെ ചുമതല ആർക്ക് എന്നതിൽ ഹൈക്കമാൻഡ് തീരുമാനം പ്രവർത്തകരും നേതാക്കളും കാക്കുകയാണെന്നും അദ്ദേഹം വ്യക്തമാക്കി.

കെ സുധാകരൻ നിർബന്ധം പിടിച്ചുവെന്ന് അഭിപ്രായമില്ല. എംപിമാർ മത്സരിക്കണമെന്ന അധ്യായം അടച്ചു. തെരഞ്ഞെടുപ്പിന് ശേഷം ഇതിൽ മാറ്റമുണ്ടോകുമോയെന്ന ചോദ്യത്തിന് പ്രസക്തിയില്ല. കെപിസിസി പ്രസിഡന്‍റ് ചുമതല കൈമാറ്റ തീരുമാനം കേരളത്തിലെ പ്രവർത്തകരും നേതാക്കളും പ്രതീക്ഷിച്ചിരിക്കുന്നു. തീരുമാനം എടുക്കേണ്ടത് ഹൈക്കമാൻഡ് ആണെന്നും കൊടിക്കുന്നിൽ സുരേഷ് കൂട്ടിച്ചേർത്തു.