ബേൺലിയെ തകർത്തത് എതിരില്ലാത്ത രണ്ട് ഗോളുകൾക്ക്; പ്രീമിയർ ലീഗിൽ വിജയക്കുതിപ്പ് തുടർന്ന് ആഴ്സണൽ; ഗോൾ വല കുലുക്കിയത് വിക്ടർ ഗ്യോക്കേഴ്സും ഡെക്ലാൻ റൈസും

ബർൺലി: പ്രീമിയർ ലീഗിൽ ഒന്നാം സ്ഥാനം നിലനിർത്തി ആഴ്സണൽ. ബേൺലിയെ എതിരില്ലാത്ത 2 ഗോളുകൾക്കാണ് ഗണ്ണേഴ്സ് പരാജയപ്പെടുത്തിയത്. വിക്ടർ ഗ്യോക്കേഴ്സും ഡെക്ലാൻ റൈസും നേടിയ ഗോളുകളാണ് ആഴ്സണലിന് വിജയം സമ്മാനിച്ചത്. ഈ വിജയത്തോടെ 10 മത്സരങ്ങളിൽ നിന്ന് 25 പോയിന്റോടെ ആഴ്സനൽ ഒന്നാം സ്ഥാനത്ത് തുടരുകയാണ്.

14-ാം മിനിറ്റിൽ ഒരു കോർണർ കിക്കിൽ നിന്ന് ലഭിച്ച അവസരം മുതലെടുത്ത് വിക്ടർ ഗ്യോക്കേഴ്സാണ് ആഴ്സണലിനായി ആദ്യ ഗോൾ നേടിയത്. ആദ്യ പകുതിയിൽ മികച്ച പ്രകടനം കാഴ്ചവെച്ച ആഴ്സനൽ, 35-ാം മിനിറ്റിൽ ഡെക്ലാൻ റൈസിലൂടെ രണ്ടാം ഗോളും നേടി. കൗണ്ടർ അറ്റാക്കിലൂടെ നടത്തിയ മുന്നേറ്റത്തിൽ ബേൺലി ഗോൾകീപ്പർ മാർട്ടിൻ ഡുബ്രാവ്കയെ മറികടന്ന് ഡെക്ലാൻ റൈസിന്റെ ഹെഡ്ഡർ ഗോൾ വല കുലുക്കുകയായിരുന്നു. ആദ്യ പകുതിയിൽ ബേൺലിക്ക് ഒരു ഗോൾ ശ്രമം പോലും നടത്താൻ കഴിഞ്ഞില്ല.

രണ്ടാം പകുതിയിൽ കളി മെച്ചപ്പെട്ടെങ്കിലും, ആഴ്സണലിന്റെ പ്രതിരോധ നിര മികച്ച പ്രകടനം കാഴ്ചവെച്ചു. സീസണിൽ തുടർച്ചയായി ഏഴാം തവണയാണ് ആഴ്സണൽ ഗോൾ വഴങ്ങാതെ വിജയം നേടുന്നത്. "ആദ്യ പകുതി മികച്ചതായിരുന്നു. രണ്ട് ഗോളുകൾ നേടുകയും എതിരാളികൾക്ക് അവസരങ്ങൾ നൽകാതിരിക്കുകയും ചെയ്തു. രണ്ടാം പകുതിയിൽ ചില മാറ്റങ്ങൾ വരുത്തേണ്ടി വന്നു, അപ്പോഴും നിയന്ത്രണം നഷ്ടപ്പെട്ടില്ല. പ്രതിരോധം വീണ്ടും മികച്ച പ്രകടനം കാഴ്ചവെച്ചു." മത്സരശേഷം മാധ്യമങ്ങളോട് സംസാരിക്കവെ പരിശീലകൻ മൈക്കൽ അർട്ടെറ്റ പറഞ്ഞു.

10 മത്സരങ്ങളിൽ നിന്ന് 25 പോയിന്റുകളോടെ ആഴ്സണൽ ഒന്നാം സ്ഥാനത്ത് തുടരുന്നു. 10 പോയിന്റോടെ ബേൺലി 17-ാം സ്ഥാനത്താണ്. അതേസമയം, മറ്റൊരു മത്സരത്തിൽ ക്രിസ്റ്റൽ പാലസ് ബ്രന്റ്ഫോഡിനെ 2-0 ന് തോൽപ്പിച്ച്ച്ചു. മറ്റൊരു മത്സരത്തിൽ ക്രിസ്റ്റൽ പാലസ് ബ്രെന്റ്ഫോർഡിനെ 2-0 ന് പരാജയപ്പെടുത്തി. ജീൻ-ഫിലിപ്പ് മാറ്റെറ്റയുടെ ഹെഡ്ഡറും നഥാൻ കോളിൻസിന്റെ ഓൺ ഗോളുമാണ് പാലസിന് വിജയം സമ്മാനിച്ചത്. നിലവിൽ 18 പോയിന്റോടെ ബോൺമൗത്താണ് രണ്ടാം സ്ഥാനത്ത്.