കോള്‍ഡ്‌പ്ലേയുടെ സംഗീത പരിപാടിയില്‍ സര്‍പ്രൈസായി ഇന്ത്യന്‍ താരം ജസ്പ്രീത് ബുംറയുടെ എന്‍ട്രി; പാട്ടുകൊണ്ട് ആദരവ് നല്‍കി ക്രിസ് മാര്‍ട്ടിന്‍; ബുംറയ്ക്കായി ആര്‍പ്പുവിളിച്ച് കാണികള്‍; വീഡിയോ
അഹമ്മദാബാദിലെ നരേന്ദ്ര മോദി സ്റ്റേഡിയത്തില്‍ നടന്ന ലോക പ്രശ്‌സത് ബാന്‍ഡായ കോള്‍ഡ്‌പ്ലേയുടെ റെക്കോര്‍ഡ് ബ്രേക്കിംഗ് കണ്‍സേര്‍ട്ടില്‍ താരമായി ഇന്ത്യന്‍ മുന്‍നിര ഫാസ്റ്റ് ബൗളറായ ജസ്പ്രീത് ബുംറ. ഓസ്‌ട്രേലിയക്കെതിരായ മത്സരത്തിന് ശേഷം ആദ്യമായാണ് ബുംറ ഒരു പൊതുവേദിയില്‍ എത്തുന്നത്. വലിയ വരവേല്‍പ്പാണ് ബുംറയ്ക്ക് കാണികളും ബാന്‍ഡും നല്‍കിയത്.
ബാന്‍ഡിന്റെ പ്രധാന ഗായകനായ ക്രിസ് മാര്‍ട്ടിന്‍ ബുംറയ്ക്ക് ഒരു പാട്ടും സമര്‍പ്പിച്ചു. വലിയ സ്വീകാരിതയാണ് കാണികള്‍ ആ പാട്ടിന് നല്‍കിയത്. ബുംറയുടെ ടെസ്റ്റ് ജേഴ്‌സി കാഴ്ചവെച്ചാണ് കോള്‍ഡ്‌പ്ലേ സംഗീത പരിപാടി അവതരിപ്പിച്ചത്. പിന്നീട് ബുംറയെ വലിയ സ്‌ക്രീനില്‍ കാണിച്ചപ്പോള്‍ കാണികള്‍ താരത്തിന് വേണ്ടി ആര്‍പ്പുവിളിച്ചു.
THE GOAT IN COLDPLAY EVENT...!!!! 🙇 pic.twitter.com/bMucAVjOfY
— Johns. (@CricCrazyJohns) January 26, 2025
ജസ്പ്രീത് ബുംറ എന്റെ സുന്ദരനായ സഹോദരന്‍ ബുംറയുടെ ക്രിക്കറ്റ് കഴിവിനെക്കുറിച്ച് ഹൃദയസപ്ര്‍ശിയായ വരികള്‍കൊണ്ട് അദ്ദേഹം പാടുകയും ചെയ്തു. കൂടാതെ ബുംറയുടെ കഴിഞ്ഞ വര്‍ഷം ഇംഗ്‌ളണ്ടുമായുള്ള ഒരു മത്സരത്തിന്റെ ക്ലിപ്പും കാണിച്ചു. ബുംറയുടെ പ്രതിഭയ്ക്കുള്ള ആഗോള അംഗീകാരത്തിന്റെ തെളിവായിരുന്നു ഈ പ്രകടനം. മാര്‍ട്ടിന്‍ അദ്ദേഹത്തെ ക്രിക്കറ്റിലെ ഏറ്റവും മികച്ച ബൗളര്‍ എന്ന് വിശേഷിപ്പിച്ചു.
ഇതിന് മുമ്പ് മുംബൈയില്‍ നടന്ന പരിപാടിയില്‍ ബുംറ സ്റ്റേജിന്റെ പുറകിലുണ്ടെന്ന് ക്രിസ് മാര്‍ട്ടിന്‍ തമാശ രുപേണ പറഞ്ഞിരുന്നു. കുറച്ച് നേരം പാട്ടുനിര്‍ത്തേണ്ടി വരും, ബുംറ സ്റ്റേജിന്റെ പുറകിലുണ്ട് എനിക്ക് അദ്ദേഹത്തിന് ബൗള്‍ എറിയേണ്ടതുണ്ട് എന്നായിരുന്നു മാര്‍ട്ടിന്‍ അന്ന് പറഞ്ഞത്. ബുംറ ഇംഗ്ലണ്ട് ബൗളര്‍മാരുടെ വിക്കറ്റുകള്‍ എറിഞ്ഞിടുന്ന വീഡിയോ കട്ടുകളും കോള്‍ഡ് പ്ലേ പ്രദര്‍ശിപ്പിച്ചു. കോള്‍ഡ്‌പ്ലേക്ക് നന്ദി അറിയിച്ച് ബുംറയും രംഗത്തെത്തി.