രോഹന്‍ കുന്നുമ്മലിന് സെഞ്ചുറി; ഒമാനെതിരെ കേരളത്തിന് 76 റണ്‍സിന്റെ തകര്‍പ്പന്‍ ജയം; പരമ്പരയില്‍ കേരളം മുന്നില്‍
ഒമാന്‍ ചെയര്‍മാന്‍സ് ഇലവനെതിരായ മൂന്നാം ഏകദിനത്തില്‍ കേരളം തകര്‍പ്പന്‍ വിജയം സ്വന്തമാക്കി. 296 റണ്‍സിന്റെ വിജയലക്ഷ്യം പിന്തുടര്‍ന്ന ഒമാന്‍ 219 റണ്‍സില്‍ എട്ട് വിക്കറ്റുകള്‍ നഷ്ടപ്പെടുത്തി കീഴടങ്ങി. ക്യാപ്റ്റന്‍ മികവോടെ രോഹന്‍ കുന്നുമ്മല്‍ ബാറ്റില്‍ തിളങ്ങി സെഞ്ച്വറി നേടി. അസറുദ്ദീന്റെ ഉജ്വല 78 റണ്‍സും കേരളത്തിന് ഉജ്ജ്വലമായ ടോട്ടല്‍ ഉറപ്പാക്കി. പരമ്പരയില്‍ രോഹന്റെ രണ്ടാമത്തെ സെഞ്ച്വറിയാണിത്.
ബോളിങ്ങില്‍ ബേസിലിന്റെ മൂന്ന് വിക്കറ്റുകളാണ് കേരളത്തിന് മത്സരം കൈവശമാക്കാന്‍ നിര്‍ണായകമായത്. ഒമാന്റെ ജതീന്ദര്‍ സിങ് (60), സുഫ്യാന്‍ മെഹ്‌മൂദ് (49), മുജീബൂര്‍ അലി (40) എന്നിവര്‍ ചെറിയ പോരാട്ടം നടത്തിയെങ്കിലും പരാജയം ഒഴിവാക്കാനായില്ല. ഇതിനോടെ മൂന്ന് മല്‍സരങ്ങളടങ്ങിയ പരമ്പരയില്‍ കേരളം 2-1ന്റെ ലീഡുമായി മുന്നേറി. നിലനില്പിനായി ഒമാന്‍ അവസാന മത്സരത്തില്‍ വിജയം തേടേണ്ടി വരും. അവസാന പോരാട്ടം ഏപ്രില്‍ 27ന് നടക്കും.