ഭാര്യയെ കടിച്ച അയൽവീട്ടിലെ വളർത്തു നായയെ വെടിവെച്ചു കൊന്നു; ഭർത്താവ് അറസ്റ്റിൽ

ഇൻഡോർ: ഭാര്യയെ കടിച്ച അയൽവീട്ടിലെ വളർത്തു നായയെ വെടിവെച്ചുകൊന്നയാളെ പൊലീസ് അറസ്റ്റ് ചെയ്തു. മധ്യപ്രദേശിലെ ഇൻഡോറിൽ ബുധനാഴ്ച രാത്രിയായിരുന്നു സംഭവം. ഇൻഡോർ സുദാമ നഗർ സ്വദേശിയായ നരേന്ദ്ര വിശ്വയ്യ(53) ആണ് അറസ്റ്റിലായത്.

അയൽക്കാരന്റെ വളർത്തുനായ തന്റെ ഭാര്യയ കടിച്ചതിൽ രോഷം പൂണ്ട വിശ്വയ്യ തന്റെ ലൈസൻസുള്ള കൈത്തോക്കുപയോഗിച്ച് നായ്ക്ക് നേരെ വെടിയുതിർക്കുകയായിരുന്നു. നായ്‌യുടെ കഴുത്തിനാണ് വെടിയേറ്റത്. ഉടനെ തന്നെ നായ് ചത്തുവീണു.- പൊലീസ് പറഞ്ഞു.

നായ് പ്രദേശത്തെ പലരേയും കടിച്ചിട്ടുണ്ടെന്ന് പ്രതി പറഞ്ഞു. ഈ മൊഴി സത്യമാണെന്നു കണ്ടെത്തിയാൽ നായ്‌യുടെ ഉടമസ്ഥനെതിരെ അനുയോജ്യമായ നിയമ നടപടി സ്വീകരിക്കുമെന്ന് പൊലീസ് വ്യക്തമാക്കി.