കണ്ണൂർ: ബൈക്കിൽ മാരകായുധങ്ങളുമായി എത്തിയ നാലംഗ സംഘം വീട്ടിൽ അതിക്രമിച്ചു കയറി യുവാവിനെ കുത്തി പരിക്കേല്പിച്ച് വധിക്കാൻ ശ്രമിച്ച കേസിൽ മുഖ്യ പ്രതി ഉൾപ്പെടെ മൂന്ന് പേർ അറസ്റ്റിൽ ഉദയഗിരി ചീക്കാട് സ്വദേശികളായ ഒഴവളത്ത് ഉന്മേഷ് (33), പ്ലാത്തറ ശരത് (31), തെക്കേടത്ത് രാജീവ് (36) എന്നിവരെയാണ് എസ്. ഐ.എച്ച്.എസ്.സനീഫും സംഘവും അറസ്റ്റു ചെയ്തത്. പൊലീസ്‌കോടതിയിൽ ഹാജരാക്കിയ പ്രതികളെ രണ്ടാഴ്ചത്തേക്ക് റിമാന്റു ചെയ്തു.നാലാം പ്രതി

വട്ട്യാങ്കൽ ഹൗസിൽ റിൻസിനെ (25) രണ്ടു ദിവസം മുമ്പ് അറസ്റ്റു ചെയ്തിരുന്നു. ഇയാൾ റിമാന്റിൽ കഴിയുകയാണ്. ഇക്കഴിഞ്ഞ 30 ന് വൈകുന്നേരം 5.45 ഓടെയാണ് കേസിനാസ്പദമായ സംഭവം. ഉദയഗിരി ചീക്കാട് സ്വദേശി പത്മനാഭൻ പണിക്കരുടെ മകൻ സി.പി. ബാബു (49) വിനെ മൂന്ന് ബൈക്കുകളിലായി എത്തിയനാലംഗ സംഘം ആക്രമിക്കുകയായിരുന്നു.

വീട്ടിൽ കയറി മുൻ വിരോധം വെച്ച് ബാബുവിനെ കത്തികൊണ്ടു കുത്തുകയും വാക്കത്തികൊണ്ട് വെട്ടുകയുമായിരുന്നു ഇതിനിടെ സംഘം വീടിന്റെ ജനലുകളും വാതിലും നശിപ്പിച്ച് 50,000 രൂപയുടെ നാശനഷ്ടവും വരുത്തിയതായും പൊലീസിന് പരാതിയിൽ നൽകിയിരുന്നു. പരിക്കേറ്റ ബാബു ആശുപത്രിയിൽ ചികിത്സയിലായിരുന്നു. മൊഴിയെടുത്ത പൊലീസ് വധശ്രമത്തിന് കേസെടുക്കുകയായിരുന്നു.

അറസ്റ്റ്വീട് തകർക്കൽ