ചെറുകുന്ന്: നിയന്ത്രണം വിട്ട ബൈക്ക് വൈദ്യുതി തൂണിലിടിച്ച് ഗുരുതരമായി പരുക്കേറ്റ ബൈക്ക് യാത്രക്കാരൻ മരണമടഞ്ഞു. മൊറാഴ ഈലിപ്പുറത്തെ ഉമ്മത്തിരിയൻ വീട്ടിൽ യു.മനോജ്കുമാറാ(49)ണ് മരണമടഞ്ഞത്. ചെറുകുന്ന് സെയിന്റ് മാർട്ടിൻ ആശുപത്രിക്ക് സമീപം ശനിയാഴ്‌ച്ച രാത്രി ഒൻപതുമണിയോടെയാണ് അപകടം. കീഴറ ഭാഗത്തു നിന്നും ചെറുകുന്ന് ഭാഗത്തേക്ക് വരികയായിരുന്നു. ഇടിയുടെ ആഘാതത്തിൽ ഗുരുതരമായി പരുക്കേറ്റ മേനാജ് കുമാറിനെ നാട്ടുകാർ സെയിന്റ് മാർട്ടിൻ ആശുപത്രിയിലെത്തിച്ചുവെങ്കിലും മരണമടയുകയായിരുന്നു. പരേതനായ അരിങ്ങളയൻ ഗോപാലൻ-ജാനകി ദമ്പതികളുടെ മകനാണ്. ഭാര്യ: ബേബി.മക്കൾ:അഭിജിത്ത്, ആദിത്യൻ. സഹോദരങ്ങൾ: ചന്ദ്രിക, പുഷ്പലത, വിനോദ്കുമാർ, ചിത്ര.