തൃശൂരിൽ ബസ് കാറിനു മുകളിലേക്ക് മറിഞ്ഞു; അഞ്ചു പേർക്കു പരുക്ക്

തൃശൂർ: ദേശീയപാതയിലെ ആമ്പല്ലൂർ സിഗ്‌നൽ ജംക്ഷനിൽ ബസ് കാറിനു മുകളിലേക്ക് മറിഞ്ഞ് അപകടം. ബസ് യാത്രികരായ അഞ്ചു പേർക്കു നിസാര പരുക്കേറ്റു.

ചൊവ്വാഴ്ച പുലർച്ചെ 5.10നായിരുന്നു അപകടം. സിഗ്‌നലിൽ നിർത്തിയ കാറിനു പിറകിൽ നിയന്ത്രണംവിട്ടെത്തിയ ടൂറിസ്റ്റ് ബസാണ് മറിഞ്ഞത്. ഒരു മണിക്കൂറോളം ദേശീയപാതയിൽ ഗതാഗതം തടസ്സപ്പെട്ടു.