പതിനഞ്ചുകാരിയായ മകളെ കാമുകന് കാഴ്‌ച്ചവെച്ചത് നിരവധി തവണ; മകൾ ഗർഭിണിയായതോടെ സഹോദരന്റെ വീട്ടിൽ ഉപേക്ഷിച്ചു; യുവതിയേയും കാമുകനെയും അറസ്റ്റ് ചെയ്ത് പൊലീസും
ചെന്നൈ: 15കാരിയായ മകളെ കാമുകന് കാഴ്‌ച്ചവെച്ച് യുവതി. യുവതിയുടെ സഹോദരന്റെ പരാതിയെ തുടർന്ന് യുവതിയേയും കാമുകനെയും പൊലീസ് അറസ്റ്റ് ചെയ്തു. ചെന്നൈയിലെ മാടിപാക്കത്താണ് സംഭവം. 36കാരിയായ യുവതിയാണ് തന്റെ മകളെ 32 വയസുള്ള കാമുകന് നിരവധി തവണ കാഴ്‌ച്ചവെച്ചത്. നിരന്തര ബലാത്സംഗത്തിനിരായി ഗർഭിണിയായ പെൺകുട്ടി ഒക്ടോബർ മാസത്തിൽ പ്രസവിച്ചിരുന്നു.
കുറച്ച് വർഷങ്ങൾക്ക് മുമ്പ് ഭർത്താവിൽ നിന്ന് വേർപിരിഞ്ഞ ശേഷം യുവതി, ചിത്രകാരനായ ശേകറുമായി അടുപ്പത്തിലായി. വീട്ടിൽ പതിവായി സന്ദർശനം നടത്തിയ ശേഖർ, യുവതിയുടെ 15 വയസ്സുള്ള മൂത്ത മകളെ ലൈംഗികമായി ചൂഷണം ചെയ്യാൻ തുടങ്ങി. പെൺകുട്ടി തന്റെ അവസ്ഥ അമ്മയുടെ മുമ്പാകെ വിവരിച്ചപ്പോൾ, നിശബ്ദമായി "സഹകരിക്കാൻ" ആവശ്യപ്പെട്ടു.
കൗമാരക്കാരിയുടെ ലൈംഗിക ചൂഷണം ഗർഭധാരണത്തിന് കാരണമായി. സെപ്റ്റംബറിൽ അമ്മ ഗർഭിണിയാണെന്ന് അറിയിക്കാതെ തന്നെ സഹോദരന്റെ വീട്ടിൽ ഉപേക്ഷിച്ചു. ഗർഭാവസ്ഥയെക്കുറിച്ച് പെൺകുട്ടി അമ്മാവനോട് പറഞ്ഞു, തുടർന്ന് അമ്മയുമായി ബന്ധപ്പെടാൻ ശ്രമിച്ചെങ്കിലും വെറുതെയായി
തുടർന്ന് പെൺകുട്ടിയുടെ അമ്മാവൻ മദിപാക്കം വനിതാ പൊലീസിനെ സമീപിച്ച് പരാതി നൽകി. അമ്മാവന്റെ പരാതിയുടെ അടിസ്ഥാനത്തിൽ കമിതാക്കൾക്കെതിരെ പോക്സോ കുറ്റങ്ങൾ ചുമത്തി പൊലീസ് കേസെടുത്തു. പ്രതികളെ പിടികൂടാനുള്ള ശ്രമങ്ങൾ ആരംഭിച്ചു. രക്ഷപ്പെട്ട കൗമാരക്കാരിയെ ഒരു പുനരധിവാസ കേന്ദ്രത്തിലേക്ക് മാറ്റി, അവിടെ ഒക്ടോബർ മാസത്തിൽ ഒരു കുട്ടിക്ക് ജന്മം നൽകി. കഴിഞ്ഞ ദിവസമാണ് പ്രതികൾ പിടിയിലായത്.
