തീയേറ്ററുകളിൽ ഫ്ലോപ്പ്; ഒടുവിൽ മമ്മൂട്ടി ചിത്രം ഒടിടിയിലേക്ക്; 'ഡൊമിനിക് ആന്റ് ദ ലേഡീസ് പഴ്സ്' ഓൺലൈൻ സ്‌ട്രീമിംഗിനൊരുങ്ങുന്നു ?
കൊച്ചി: വലിയ പ്രതീക്ഷയോടെ തീയേറ്ററുകളിൽ എത്തിയ മമ്മൂട്ടി ചിത്രമായിരുന്നു 'ഡൊമിനിക് ആൻഡ് ദ ലേഡീസ് പേഴ്സ്'. തമിഴ് ഹിറ്റ് സംവിധായകൻ ഗൗതം വാസുദേവ് മേനോന്റെ ആദ്യ മലയാള സംരംഭമെന്ന നിലയിൽ വലിയ ചർച്ചയായ ചിത്രത്തിന് ബോക്സ് ഓഫിസിൽ പ്രതീക്ഷക്കൊത്ത പ്രകടനം കാഴ്ചവെക്കാനായില്ല. മമ്മൂട്ടിയുടെ പ്രൊഡക്ഷൻ ഹൗസായ മമ്മൂട്ടി കമ്പനിയാണ് ചിത്രത്തിന്റെ നിർമാണം. ഈ ബാനര്‍ നിര്‍മ്മിക്കുന്ന ആറാമത്തെ ചിത്രമാണ് ഇത്. തീയേറ്ററുകളിൽ ഫ്ളോപ്പായെങ്കിലും ചിത്രത്തിന്റെ ഒടിടി റിലീസിനായി ആകാംക്ഷയോടെയാണ് ആരാധകർ കാത്തിരിക്കുന്നത്. ഇപ്പോഴിതാ ചിത്രത്തിണ്റ്റെ ഒടിടി റിലീസുമായി ബന്ധപ്പെട്ട വാർത്തകളാണ് പുറത്ത് വരുന്നത്. ആമസോണ്‍ പ്രൈം വീഡിയോയിയിലായിരിക്കും ചിത്രം ഓൺലൈൻ സ്‌ട്രീമിംഗ്‌ ആരംഭിക്കുന്നതെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.
എന്നാൽ ഔദ്യോഗികമായ പ്രഖ്യാപനം പുറത്ത് വിട്ടിട്ടില്ല. ആദ്യാവസാനം ഏറെ രസകരമായി കഥ പറയുന്ന ഒരു കോമഡി ഇൻവെസ്റ്റിഗേഷൻ ത്രില്ലറാണ് ചിത്രം. കാണാതായ ഒരു പേഴ്സ് അന്വേഷിച്ചുള്ള ഓട്ടം അവരെ കൂടുതൽ സങ്കീർണ്ണമായ സാഹചര്യങ്ങളിലേക്കു എത്തിക്കുന്നതാണ് ചിത്രത്ത്തിന്റെ പ്രമേയം. വിനീത്, ഗോകുൽ സുരേഷ്, ലെന, സിദ്ദിഖ്, വിജി വെങ്കടേഷ്, വിജയ് ബാബു എന്നിവരാണ് ഇതിലെ മറ്റു പ്രധാന താരങ്ങൾ. ഡോക്ടർ സൂരജ് രാജൻ, ഡോക്ടർ നീരജ് രാജൻ എന്നിവർ ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. മമ്മൂട്ടി ഒരു പ്രൈവറ്റ് ഡിറ്റക്റ്റീവിനെയാണ് ചിത്രത്തിൽ അവതരിപ്പിക്കുന്നത്.
വിഷ്ണു ആർ ദേവ് ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിംഗ് ആന്റണി ആണ്. ദർബുക ശിവയാണ് സംഗീതം ഒരുക്കുന്നത്. സംഘട്ടനം സുപ്രീം സുന്ദർ, കലൈ കിങ്സൺ, എക്സികുട്ടീവ് പ്രൊഡ്യൂസർ ജോർജ് സെബാസ്റ്റ്യൻ, കോ- ഡയറക്ടർ പ്രീതി ശ്രീവിജയൻ, ലൈൻ പ്രൊഡ്യൂസർ സുനിൽ സിങ്, സൗണ്ട് മിക്സിങ് തപസ് നായക്, സൗണ്ട് ഡിസൈൻ കിഷൻ മോഹൻ, ചീഫ് അസ്സോസിയേറ്റ് ഡയറക്ടർ അരിഷ് അസ്ലം.
മേക്കപ്പ് ജോർജ് സെബാസ്റ്റ്യൻ, റഷീദ് അഹമ്മദ്, വസ്ത്രാലങ്കാരം സമീര സനീഷ്, അഭിജിത്, പ്രൊഡക്ഷൻ ഡിസൈനർ ഷാജി നടുവിൽ, പ്രൊഡക്ഷൻ കൺട്രോളർ അരോമ മോഹൻ, സ്റ്റിൽസ് അജിത് കുമാർ, പബ്ലിസിറ്റി ഡിസൈൻ എസ്തെറ്റിക് കുഞ്ഞമ്മ, ഡിസ്ട്രിബൂഷൻ വേഫേറർ ഫിലിംസ്, ഓവർസീസ് ഡിസ്ട്രിബൂഷൻ പാർട്ണർ ട്രൂത് ഗ്ലോബൽ ഫിലിംസ്. ഡിജിറ്റൽ മാർക്കറ്റിംഗ് വിഷ്ണു സുഗതൻ. പിആർഒ ശബരി.
