'ഈ കോലാഹലങ്ങള്‍ ഒന്നും ഉണ്ടായിരുന്നില്ലെങ്കില്‍, എട്ടു നിലയില്‍ ഇല്ലെങ്കിലും ഒരു ഒന്ന് രണ്ടു നിലയില്‍ എങ്കിലും പൊട്ടേണ്ട ഒരു പടം'; എമ്പുരാന്റെ ഡോ. സൗമ്യ സരിന്‍ പറയുന്നു
എമ്പുരാന്റെ ഡോ. സൗമ്യ സരിന്‍ പറയുന്നു
തിരുവനന്തപുരം: പൃഥ്വിരാജ് - മോഹന്‍ലാല്‍ കൂട്ടുകെട്ടില്‍ പിറന്ന എമ്പുരാന്‍ ഇഷ്ടമായില്ലെന്ന് തുറന്നുപറഞ്ഞ് ഡോ. സൗമ്യ സരിന്‍. ഈ കോലാഹലങ്ങള്‍ ഒന്നും ഉണ്ടായിരുന്നില്ലെങ്കില്‍ എട്ടുനിലയില്‍ പൊട്ടേണ്ട സിനിമയാണ് ഇതെന്നാണ് സൗമ്യയുടെ അഭിപ്രായം. മാര്‍ക്കറ്റിംഗിനെക്കുറിച്ച് പറഞ്ഞുകൊണ്ട് കൂപ്പുകൈയാണ് സൗമ്യയിട്ടിരിക്കുന്നത്. പൃഥ്വിരാജിന്റെ തല പ്രിസേര്‍വ് ചെയ്തുവയ്ക്കേണ്ട ഒന്നാണെന്നും അവര്‍ ഫേസ്ബുക്കില്‍ കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണ്ണരൂപം:
സിനിമയെ സിനിമ മാത്രം ആയി കണ്ടു കൊണ്ടുള്ള ഒരു പോസ്റ്റ് ചെലോല്‍ക്ക് ശെര്യാവും...ചെലോല്‍ക്ക് ശെര്യാവൂല...എനക്കൊട്ടും ശെര്യായില്ല ഗയ്സ് ഈ കോലാഹലങ്ങള്‍ ഒന്നും ഉണ്ടായിരുന്നില്ലെങ്കില്‍, എട്ടു നിലയില്‍ ഇല്ലെങ്കിലും ഒരു ഒന്ന് രണ്ടു നിലയില്‍ എങ്കിലും പൊട്ടേണ്ട ഒരു പടം!
ഇതില്‍ നമ്മുടെ ബൈജു അവതരിപ്പിക്കുന്ന കഥാപാത്രം സുമേഷിനോട് പറയുന്ന പോലെ ഒരു രാഷ്ട്രീയ നേതാവിന് വേണ്ട ഏറ്റവും വലിയ മൂന്നാമത്തെ ഗുണം, അവര്‍ക്ക് അവരുടെ അണികളില്‍ ഉണ്ടാക്കാന്‍ സാധിക്കേണ്ട ഒരേ ഒരു കാര്യമാണ്... രോമാഞ്ചം!
അത് ഇത്തരം സിനിമകള്‍ക്കും ബാധകമാണ്... ആ പറഞ്ഞ ' രോഞ്ചാമം ' വേണ്ടതില്‍ അധികം തന്ന ഒരു സിനിമ ആയിരുന്നു എനിക്ക് ലൂസിഫര്‍. ഓഹ്... എന്താ അതില്‍ ലാലേട്ടന്റെ ഒരു സ്വാഗ്. അതിലെ ഓരോ ഡയലോഗുകളും, എന്തിന് അധികം ആ കണ്ണുകള്‍ മാത്രം മതിയായിരുന്നു!
അത് വെച്ച് നോക്കുമ്പോ, ഇത് ഒരു മാതിരി എന്തായാലും എന്റെ പൃഥ്വിരാജെ... നിങ്ങളുടെ തല preserve ചെയ്തു വെക്കേണ്ട ഒന്നാണ്...
ഇങ്ങനെയും ഉണ്ടോ ഒരു മാര്‍ക്കറ്റിങ് ബുദ്ധി എന്തായാലും നമ്മുടെ പണം അവരുടെ പെട്ടിയില്‍ ഭദ്രമായി വീണു കഴിഞ്ഞു... ഇനി നിങ്ങള്‍ എത്രയാന്ന് വെച്ചാല്‍ അങ്ങോട്ടും ഇങ്ങോട്ടും തല്ലി തീര്‍ക്ക്... ആര്‍ക്കെന്ത് ചേതം!
