ബോക്സ് ഓഫീസിലും 'സർവ്വം മായ'; പത്ത് ദിവസങ്ങൾ കൊണ്ട് ആ മാന്ത്രിക സംഖ്യയിലെത്തി നിവിൻ പോളി ചിത്രം; ഇതാണ് കംബാക്കെന്ന് ആരാധകരും; ആഗോള കളക്ഷൻ കണക്കുകൾ പുറത്ത്

കൊച്ചി: നിവിൻ പോളിയെ നായകനാക്കി അഖിൽ സത്യൻ സംവിധാനം ചെയ്ത 'സർവ്വം മായ' എന്ന ചിത്രം ആഗോള ബോക്സ് ഓഫീസിൽ 100 കോടി ക്ലബ്ബിൽ. റിലീസ് ചെയ്ത് പത്ത് ദിവസങ്ങൾക്കകമാണ് ഈ നേട്ടം കൈവരിച്ചത്. നിവിൻ പോളി തന്നെയാണ് ചിത്രത്തിന്റെ കളക്ഷൻ സംബന്ധിച്ച ഔദ്യോഗിക വിവരം പുറത്തുവിട്ടത്. സ്വാഭാവിക നർമ്മത്തിന് പ്രാധാന്യം നൽകുന്ന ഒരു ചിത്രമാണിത്.

ഒരു ഇടവേളയ്ക്ക് ശേഷം നിവിൻ പോളിയുടെ തിരിച്ചുവരവായി ഈ വിജയത്തെ സിനിമാപ്രേമികൾ കാണുന്നുണ്ട്. 'പാച്ചുവും അത്ഭുതവിളക്കും' എന്ന ചിത്രത്തിന് ശേഷം അഖിൽ സത്യൻ സംവിധാനം ചെയ്ത ചിത്രമാണിത്. നിവിൻ പോളിയും അജു വർഗീസും ഒന്നിക്കുന്ന പത്താമത്തെ ചിത്രം എന്ന പ്രത്യേകതയും 'സർവ്വം മായ'ക്കുണ്ട്. ജനാർദ്ദനൻ, രഘുനാഥ് പലേരി, മധു വാര്യർ, അൽത്താഫ് സലിം, പ്രീതി മുകുന്ദൻ തുടങ്ങിയ പ്രമുഖ താരങ്ങളും ചിത്രത്തിൽ അണിനിരക്കുന്നുണ്ട്.

ഫയർഫ്‌ളൈ ഫിലിംസിന്റെ ബാനറിൽ അജയ്യ കുമാർ, രാജീവ് മേനോൻ എന്നിവരാണ് 'സർവ്വം മായ' നിർമ്മിച്ചിരിക്കുന്നത്. അഖിൽ സത്യൻ, രതിൻ രാധാകൃഷ്‍ണൻ എന്നിവർ എഡിറ്റിംഗ് നിർവഹിച്ചപ്പോൾ, ജസ്റ്റിൻ പ്രഭാകരൻ സംഗീതവും ശരൺ വേലായുധൻ ഛായാഗ്രഹണവും ഒരുക്കി. രാജീവനാണ് ചിത്രത്തിന്റെ പ്രൊഡക്ഷൻ ഡിസൈൻ.

പ്രൊഡക്ഷൻ ഡിസൈൻ: രാജീവൻ, കലാസംവിധാനം: അജി കുറ്റിയാണി, പ്രൊഡക്ഷൻ എക്‌സിക്യൂട്ടീവ്: ശ്രീക്കുട്ടൻ ധനേശൻ, വിനോദ് വേണുഗോപാൽ, പ്രൊഡക്ഷൻ മാനേജേഴ്സ്: ആദർശ് സുന്ദർ, സിങ്ക് സൗണ്ട്: അനിൽ രാധാകൃഷ്‍ണൻ, കോസ്റ്റ്യൂം: സമീറ സനീഷ്, മേക്കപ്പ്: സജീവ് സജി, സ്റ്റിൽസ്: രോഹിത് കെ.എസ്, ലൈൻ പ്രൊഡ്യൂസർ: വിനോദ് ശേഖർ, സഹ സംവിധാനം: ആരൺ മാത്യു, അസോസിയേറ്റ് ഡയറക്ടർ: വന്ദന സൂര്യ, സ്റ്റിൽസ്: രോഹിത് കെ സുരേഷ്, ഡിസൈൻസ്: ഏസ്തറ്റിക് കുഞ്ഞമ്മ, മാർക്കറ്റിംഗ്: സ്നേക്ക്പ്ലാന്‍റ്, പി.ആർ.ഓ: ഹെയിൻസ്.