'സർവ്വം മായ തന്നെ! അല്ലേ അളിയാ..'; നിവിൻ-അജു കൂട്ടുകെട്ടിലെ പത്താം ചിത്രം; മനസ്സ് നിറച്ച് 'സർവ്വം മായ'യുടെ സെക്കൻഡ് ലുക്ക് പോസ്റ്റർ

കൊച്ചി: മലയാള സിനിമാ ആസ്വാദകരുടെ പ്രിയപ്പെട്ട നിവിൻ പോളി-അജു വർ​ഗീസ് കോമ്പോയുടെ പത്താം ചിത്രമായ സർവ്വം മായ'യുടെ സെക്കൻഡ് ലുക്ക് പോസ്റ്റർ പുറത്ത്. 'പാച്ചുവും അത്ഭുത വിളക്കും' എന്ന ചിത്രത്തിന് ശേഷം അഖിൽ സത്യൻ കഥയെഴുതി സംവിധാനം ചെയ്യുന്ന ചിത്രത്തിനായി വലിയ പ്രതീക്ഷയോടെയാണ് ആരാധകർ കാത്തിരിക്കുന്നത്. ഇതുവരെ കാണാത്ത വേഷപ്പകർച്ചയിലാണ് ചിത്രത്തിൽ ഇരുവരും എത്തുന്നതെന്നാണ് പോസ്റ്റർ നൽകുന്ന സൂചന. ഫാന്‍റസി കോമഡി ജോണറിലാണ് ചിത്രം ഒരുക്കിയിരിക്കുന്നത്.

സെക്കൻഡ് ലുക്ക് മനസ്സ് നിറഞ്ഞ് ചിരിക്കുന്ന നിവിനേയും അജുവിനേയും പോസ്റ്ററിൽ കാണാം. ഗ്രാമത്തിന്റെ കഥയാവും ചിത്രം പറയുന്നതെന്നാണ് പോസ്റ്റർ നൽകുന്ന സൂചന. അഖിൽ സത്യനോടൊപ്പം നിവിൻ പോളിയും അജു വർഗ്ഗീസും ആദ്യമായി ഒന്നിക്കുന്നു എന്നൊരു പ്രത്യേകത കൂടി ഈ ചിത്രത്തിനുണ്ട്. ഇരുവരേയും കൂടാതെ ജനാർദ്ദനൻ, രഘുനാഥ് പലേരി, മധു വാര്യർ, അൽത്താഫ് സലീം, പ്രീതി മുകുന്ദൻ തുടങ്ങി വലിയൊരു താരനിര തന്നെ ചിത്രത്തിൽ ഒരുമിക്കുന്നുണ്ട്. ഫയർ ഫ്ലൈ ഫിലിംസിന്‍റെ ബാനറിൽ അജയ്യ കുമാർ, രാജീവ് മേനോൻ എന്നിവർ ചേർന്നാണ് ചിത്രം നിർമ്മിക്കുന്നത്. ശരൺ വേലായുധൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ അഖിൽ സത്യനാണ്. സംഗീതം ജസ്റ്റിൻ പ്രഭാകരൻ.

സിങ്ക് സൗണ്ട് അനിൽ രാധാകൃഷ്ണൻ, എക്സി.പ്രൊഡ്യൂസർ ബിജു തോമസ്, പ്രൊഡക്ഷൻ ഡിസൈൻ രാജീവൻ, കലാസംവിധാനം അജി കുറ്റിയാണി, കോസ്റ്റ്യൂം സമീറ സനീഷ്, മേക്കപ്പ് സജീവ് സജി, സ്റ്റിൽസ് രോഹിത് കെ.എസ്, ലൈൻ പ്രൊഡ്യൂസർ വിനോദ് ശേഖർ, സഹ സംവിധാനം ആരൺ മാത്യു, അസോസിയേറ്റ് ഡയറക്ടർ വന്ദന സൂര്യ, ഡിസൈൻസ്: ഏസ്തറ്റിക് കുഞ്ഞമ്മ, മാർക്കറ്റിംഗ് സ്നേക്ക്പ്ലാന്‍റ് എൽ.എൽ.പി, പി.ആർ.ഓ ഹെയിൻസ്.