എന്നെ തെറ്റായി ചിത്രീകരിക്കുന്ന പലതും ഞാൻ കാണുന്നുണ്ട്..; ഇതുവഴി നിങ്ങൾക്ക് എന്ത് ആശ്വാസമാണ് കിട്ടുന്നത്; എനിക്കറിയത്തില്ല..!!; ബാത്ത് ടവ്വലിൽ പോസ് ചെയ്ത ആ ചിത്രങ്ങളെല്ലാം മുഴുവൻ ഫേക്ക്?; സോഷ്യൽ മീഡിയയിൽ വിശദീകരണവുമായി നടി പ്രിയങ്ക

നടി പ്രിയങ്ക മോഹന്റെ എ.ഐ (ആർട്ടിഫിഷ്യൽ ഇൻ്റലിജൻസ്) നിർമ്മിത വ്യാജ ചിത്രങ്ങൾ സാമൂഹിക മാധ്യമങ്ങളിൽ പ്രചരിക്കുന്നതിനെതിരെ താരം രംഗത്തെത്തി. ഈ വിഷയത്തിൽ ശക്തമായ പ്രതികരണവുമായി പ്രിയങ്ക മോഹൻ എക്സ് (ട്വിറ്റർ) പ്ലാറ്റ്‌ഫോമിൽ കുറിച്ചു. തെറ്റിദ്ധാരണയുണ്ടാക്കുന്ന ഇത്തരം ചിത്രങ്ങളുടെ പ്രചരണം അവസാനിപ്പിക്കണമെന്നും, എ.ഐ സാങ്കേതികവിദ്യ ധാർമികമായ ക്രിയാത്മകതയ്ക്കായി ഉപയോഗിക്കണമെന്നും താരം ആവശ്യപ്പെട്ടു.

സമീപകാലത്ത് സെലിബ്രിറ്റികളെ ലക്ഷ്യം വെച്ചുള്ള എ.ഐ നിർമ്മിത ഡീപ് ഫേക്ക് വീഡിയോകളും ചിത്രങ്ങളും സാമൂഹിക മാധ്യമങ്ങളിൽ വർധിച്ചു വരികയാണ്. ഇതിന് മുമ്പ് നടി രശ്‌മിക മന്ദാനയുടെ വ്യാജ വീഡിയോയും വലിയ തോതിലുള്ള ചർച്ചകൾക്ക് ഇടയാക്കിയിരുന്നു. ഇപ്പോൾ പ്രിയങ്ക മോഹന്റെ ചിത്രങ്ങളാണ് ഇത്തരം വ്യാജ പ്രചാരണങ്ങൾക്ക് വിധേയമായിരിക്കുന്നത്. മേക്കപ്പ് റൂമിൽ ബാത്ത് ടവ്വലിൽ പോസ് ചെയ്യുന്ന രീതിയിലുള്ള ചിത്രങ്ങളാണ് പ്രചരിക്കുന്നത്.

"എന്നെ തെറ്റായി ചിത്രീകരിക്കുന്ന ചില എ.ഐ നിർമ്മിത ചിത്രങ്ങൾ പ്രചരിക്കുന്നുണ്ട്. വ്യാജ ചിത്രങ്ങൾ പ്രചരിപ്പിക്കുന്നതും പങ്കുവെക്കുന്നതും അവസാനിക്കണം. എ.ഐ ഉപയോഗിക്കേണ്ടത് ധാർമികമായ ക്രിയാത്മകതയ്ക്കാണ്. അല്ലാതെ തെറ്റിദ്ധാരണയുണ്ടാക്കാനല്ല. നമ്മൾ സൃഷ്ടിക്കുന്നതും പങ്കുവെക്കുന്നതും എന്താണെന്ന ബോധ്യം എല്ലാവർക്കും ഉണ്ടാകണം. നന്ദി," പ്രിയങ്ക മോഹൻ തൻ്റെ പ്രതികരണത്തിൽ വ്യക്തമാക്കി.

തെന്നിന്ത്യൻ സിനിമയിൽ ശ്രദ്ധേയമായ പ്രകടനങ്ങൾ കാഴ്ചവെച്ച താരമാണ് പ്രിയങ്ക മോഹൻ. 'ലീഡർ', 'ഡോക്ടർ', 'ഡോൺ', 'ക്യാപ്റ്റൻ മില്ലർ' തുടങ്ങിയ ചിത്രങ്ങളിലൂടെ പ്രിയങ്ക പ്രേക്ഷകരുടെ ഇഷ്ടം നേടുകയുണ്ടായി. 'ദേ കോൾ ഹിം ഓജി' ആണ് താരത്തിൻ്റെ ഏറ്റവും പുതിയ ചിത്രം.

സാങ്കേതികവിദ്യയുടെ ദുരുപയോഗം വ്യക്തികളുടെ സ്വകാര്യതയെയും പ്രതിച്ഛായയെയും സാരമായി ബാധിക്കുന്ന സാഹചര്യത്തിൽ, ഇത്തരം വ്യാജ പ്രചാരണങ്ങൾക്കെതിരെ കർശനമായ നടപടികൾ ഉണ്ടാകണമെന്ന ആവശ്യം ശക്തമായി ഉയർന്നു വരുന്നുണ്ട്.