ഒരു സിനിമാറ്റോഗ്രഫര്‍ക്കും അപ്പുറമാണ് ലോകയ്ക്കായി നീ പ്രവര്‍ത്തിച്ചത്; ഡൊമിനിക്കും നീയും ചേര്‍ന്നൊരുക്കുന്ന ലോകയ്ക്കായി അത്രമേല്‍ ആത്മാര്‍ത്ഥമായാണ് നിങ്ങള്‍ നിന്നത്; നിമിഷ് രവിയെ അഭിനന്ദിച്ച് അഹാന കൃഷ്ണ
ഒരു സിനിമാറ്റോഗ്രഫര്‍ക്കും അപ്പുറമാണ് ലോകയ്ക്കായി നീ പ്രവര്‍ത്തിച്ചത്
തിരുവനന്തപുരം: മലയാള സിനിമയില്‍ പുതിയ റെക്കോഡുകള്‍ തീര്‍ത്ത് മുന്നേറുന്ന ലോകയുടെ സിനിമാറ്റോഗ്രാഫറും സുഹൃത്തുമായ നിമിഷ് രവിയെ അഭിനന്ദിച്ചുള്ള കുറിപ്പുമായി നടി അഹാന കൃഷ്ണ. ഇന്‍സ്റ്റഗ്രാം പോസ്റ്റിലൂടെയായിരുന്നു അഹാനയുടെ അഭിപ്രായ പ്രകടനം.
ഇത് നിങ്ങള്‍ക്കുള്ളതാണ് 'നിം'. ഒരു മുഴുവന്‍ ദിവസത്തെ ഷൂട്ട് തീരുമ്പോഴേക്കും ആരായാലും വല്ലാതെ ക്ഷീണിച്ച് പോകും. പക്ഷെ ഈ കഴിഞ്ഞ കുറച്ച് വര്‍ഷങ്ങളായി, മറ്റ് സിനിമകളുടെ ഷൂട്ടിങ് തിരക്കുകള്‍ക്കിടയിലെല്ലാം, എല്ലാ ദിവസവും ഡൊമിനിക്കിനെ വിളിച്ച് നീ ലോകയെ കുറിച്ച് ചോദിക്കുമായിരുന്നു.
ഡൊമിനിക്കും നീയും ചേര്‍ന്നൊരുക്കുന്ന ലോകയ്ക്കായി അത്രമേല്‍ ആത്മാര്‍ത്ഥമായാണ് നിങ്ങള്‍ നിന്നത്. ഒരു സിനിമാട്ടോഗ്രഫര്‍ക്കും അപ്പുറമാണ് ലോകയ്ക്കായി നീ പ്രവര്‍ത്തിച്ചത്. ലോകയുടെ ഇന്ന് കാണുന്ന വിജയത്തിലെ പ്രധാന കാരണങ്ങളിലൊന്ന് അത് തന്നെയാണ്. നീയില്ലാതെ ഇതൊരിക്കൊലും സംഭവിക്കില്ലായിരുന്നു' - അഹാന കുറിച്ചു.
ഓഗസ്റ്റ് 28ന് ഓണം റിലീസായി എത്തിയ ചിത്രം ദുല്‍ഖര്‍ സല്‍മാന്റെ വേഫേറര്‍ ഫിലിംസാണ് നിര്‍മിച്ചത്.
