സത്യത്തിൽ എനിക്ക് 'കാന്‍സര്‍' ഇല്ല; ഞാൻ പറഞ്ഞത് മുഴുവൻ പച്ചക്കള്ളം; റീച്ചുണ്ടാക്കാന്‍ വേണ്ടി മാത്രമാണ് ഇങ്ങനെയൊക്കെ ചെയ്തത്; ഒരു കൈ അബദ്ധം..!!; ആറാട്ട് അണ്ണന്റെ പുതിയ പോസ്റ്റ് കണ്ട് വീണ്ടും തലപുകഞ്ഞ് ആളുകൾ; 'കാൻസർ' അഭ്യുഹങ്ങളിൽ ഫുൾ സ്റ്റോപ്പിട്ട് സന്തോഷ്; തെറിവിളി കൊണ്ട് നിറഞ്ഞ് കമന്റ് ബോക്സ്; സോഷ്യൽ മീഡിയയിൽ ചൂട് പിടിച്ച ചർച്ച
സോഷ്യൽ മീഡിയയിൽ 'ആറാട്ട് അണ്ണൻ' എന്നറിയപ്പെടുന്ന സന്തോഷ് വർക്കി. ഒടുവിൽ തനിക്ക് 'കാൻസർ' ആണെന്ന പ്രചാരണങ്ങളിൽ വിശദികരണവുമായി എത്തിയിരിക്കുകയാണ്. അതും സോഷ്യൽ മീഡിയയിൽ റീച്ചുണ്ടാക്കാന്‍ വേണ്ടിയുള്ള തന്ത്രമായിരുന്നെന്ന് സമ്മതിക്കുകയും ചെയ്തു. ആരാധകരോടും പ്രേക്ഷകരോടും പരസ്യമായി മാപ്പ് പറഞ്ഞുകൊണ്ടാണ് അദ്ദേഹം ഈ വെളിപ്പെടുത്തൽ നടത്തിയത്.
സിനിമ നിരൂപണങ്ങളിലൂടെയും വിവാദ പരാമർശങ്ങളിലൂടെയും സോഷ്യൽ മീഡിയയിൽ സജീവമായിരുന്ന സന്തോഷ് വർക്കി, കഴിഞ്ഞ ദിവസം തനിക്ക് മൾട്ടിപ്പിൾ മയലോമ എന്ന അസുഖം ബാധിച്ചെന്നും, അതിന് ചികിത്സയില്ലെന്നും, ഇനി അധികകാലം ജീവിക്കാനാവില്ലെന്നും ഫേസ്ബുക്ക് കുറിപ്പിലൂടെ അറിയിച്ചിരുന്നു. ഈ വാർത്ത വലിയ ചർച്ചകൾക്ക് വഴിവെക്കുകയും നിരവധി പേർ അദ്ദേഹത്തിന് പിന്തുണ അറിയിക്കുകയും ചെയ്തിരുന്നു. എന്നാൽ, ഇതിനു പിന്നാലെ മറ്റൊരു ഡോക്ടറെ കണ്ടപ്പോൾ തനിക്ക് കാൻസർ ഇല്ലെന്ന് സ്ഥിരീകരിച്ചതായും അദ്ദേഹം വെളിപ്പെടുത്തി.
തൻ്റെ ഈ നടപടിക്ക് കാരണം കുറച്ചുകാലമായി സോഷ്യൽ മീഡിയയിൽ തനിക്ക് വേണ്ടത്ര ശ്രദ്ധ ലഭിക്കുന്നില്ല എന്നതായിരുന്നുവെന്ന് സന്തോഷ് വർക്കി സമ്മതിച്ചു. ശ്രദ്ധ നേടിയെടുക്കാനും വീണ്ടും സോഷ്യൽ മീഡിയയിൽ സജീവമാകാനുമായിട്ടാണ് ഇങ്ങനെയൊരു വ്യാജ വാർത്ത പ്രചരിപ്പിച്ചതെന്നും അദ്ദേഹം വിശദീകരിച്ചു. തൻ്റെ പ്രവൃത്തികൊണ്ട് വേദനിപ്പിച്ച എല്ലാവരോടും ക്ഷമ ചോദിക്കുന്നുവെന്ന് സന്തോഷ് വർക്കി വ്യക്തമാക്കി.
"എനിക്ക് കാൻസർ മൾട്ടിപ്പിൾ മയലോമ ആണ്. ഇതിനു മരുന്ന് ഇല്ല. എന്റെ അച്ഛനും ഈ അസുഖം ആയിരുന്നു. എനിക്ക് ജീവിക്കണം എന്ന് ഒരു ആഗ്രഹവും ഇല്ല. ഇനി കൂടി വന്നാൽ രണ്ട് മാസം. അതിന് അപ്പുറത്ത് ഞാൻ ജീവിക്കില്ല" എന്നായിരുന്നു സന്തോഷ് വർക്കി ആദ്യം ഫേസ്ബുക്ക് വഴി പങ്കുവെച്ച കുറിപ്പ്. ഈ പോസ്റ്റ് വലിയ തോതിലുള്ള ചർച്ചകൾക്കും അദ്ദേഹത്തിൻ്റെ സാമ്പത്തിക സ്ഥിതിയെക്കുറിച്ചുള്ള ഊഹാപോഹങ്ങൾക്കും ഇടയാക്കിയിരുന്നു.
സന്തോഷ് വർക്കിയുടെ ഈ വെളിപ്പെടുത്തൽ സോഷ്യൽ മീഡിയയിൽ വീണ്ടും വലിയ ചർച്ചകൾക്ക് തുടക്കമിട്ടിട്ടുണ്ട്. തൻ്റെ പ്രചാരണത്തിന് വേണ്ടി ഇങ്ങനെയൊരു മാർഗ്ഗം സ്വീകരിച്ചത് തെറ്റായിപ്പോയെന്ന് അദ്ദേഹം സമ്മതിച്ചെങ്കിലും, ഇതിനെതിരെ വിമർശനങ്ങളും ഉയരുന്നുണ്ട്. വ്യാജ വാർത്തകൾ പ്രചരിപ്പിച്ച് ആളുകളുടെ വികാരങ്ങളെ ചൂഷണം ചെയ്യുന്നത് ശരിയല്ലെന്ന് പലരും ചൂണ്ടിക്കാണിക്കുന്നു. സംഭവം സോഷ്യൽ മീഡിയയിൽ വലിയ സംവാദങ്ങൾക്ക് വഴി തെളിയിച്ചിരിക്കുകയാണ്.
