'മറ്റൊരു സ്ത്രീയുമായുള്ള അടുപ്പം ഭാര്യയ്ക്ക് അറിയാമായിരുന്നു, അവർക്കുവേണ്ടി കഴിയുന്നതെല്ലാം ചെയ്തു'; അവളുടെ മക്കളൊക്കെ നല്ല നിലയിലായപ്പോൾ ഇത് മോശമാണെന്ന് തോന്നിയതു കൊണ്ടാകും ഉപേക്ഷിച്ചത്; തുറന്ന് പറഞ്ഞ് ജനാർദ്ദനൻ

കൊച്ചി: 18 വർഷം മുൻപ് ജീവിതത്തിലുണ്ടായ ചില സംഭവങ്ങളെക്കുറിച്ച് തുറന്ന് പറഞ്ഞ് മലയാളികളുടെ പ്രിയ താരം ജനാർദ്ദനൻ. ഒരു യൂട്യൂബ് ചാനലിന് നൽകിയ അഭിമുഖത്തിലാണ് അദ്ദേഹം ഈ വെളിപ്പെടുത്തൽ നടത്തിയത്. ഏകദേശം 18 വർഷം മുൻപ് താൻ ബന്ധത്തിലായിരുന്ന മറ്റൊരു സ്ത്രീയുമായി ബന്ധം പുലർത്തിയിരുന്നതായും, അവരെ സന്തോഷിപ്പിക്കാൻ തൻ്റെ കഴിവിൻ്റെ പരമാവധി ശ്രമിച്ചിരുന്നതായും അദ്ദേഹം പറഞ്ഞു. ഈ ബന്ധത്തെക്കുറിച്ച് തൻ്റെ ഭാര്യയ്ക്ക് അറിയാമായിരുന്നെന്നും എന്നാൽ കാലക്രമേണ ആ ബന്ധത്തിൽ നിന്ന് പിന്മാറിയത് അവരാണെന്നും ജനാർദ്ദനൻ വ്യക്തമാക്കി.

ബന്ധുവായ സ്ത്രീയെയാണ് ജനാർദ്ദനൻ്റെ ഭാര്യയായി ലഭിച്ചത്. ചെറുപ്പത്തിലേ പരിചയമുണ്ടായിരുന്നെങ്കിലും കുടുംബത്തിൽ ചില എതിർപ്പുകളുണ്ടായിരുന്നു. എങ്കിലും അതൊന്നും വകവെക്കാതെ വിവാഹിതരായി. സൈന്യത്തിൽ ഉന്നത സ്ഥാനമുണ്ടായിരുന്ന ഭാര്യാപിതാവിൻ്റെ കുടുംബമായിരുന്നു ജനാർദ്ദനൻ്റേത്. ഡൽഹിയിൽ ഉന്നത വിദ്യാഭ്യാസം നടത്തിയ ഭാര്യ സുന്ദരിയും നല്ല ജീവിത സാഹചര്യങ്ങളിൽ വളർന്നുവന്നയാളുമായിരുന്നു. ഇങ്ങനെയൊരു ബന്ധം പുലർത്തിയത് ഭാര്യക്ക് അറിയാമായിരുന്നു, എന്നാൽ കുറേ വർഷങ്ങൾ കഴിഞ്ഞതോടെ അവർക്കും മടുപ്പുതോന്നി. അവരുടെ മക്കളൊക്കെ വളർന്നുവലുതായി. അവർക്കുവേണ്ടി ചെയ്യാൻ കഴിയുന്നതെല്ലാം ചെയ്തു. ഞാനുമായുളള ബന്ധം നാണക്കേടാകുമെന്ന് അവർക്ക് തോന്നിക്കാണും. അങ്ങനെ അവർ തന്നെ ബന്ധം ഉപേക്ഷിച്ചുപോയി.

ഇതല്ലാതെ ജീവിതത്തിൽ മറ്റു തെറ്റായ തീരുമാനങ്ങളൊന്നും എടുത്തിട്ടില്ലെന്ന് ജനാർദ്ദനൻ പറഞ്ഞു. സിനിമയിൽ അഭിനയിക്കാനായി എയർഫോഴ്‌സിലെ ജോലി ഉപേക്ഷിച്ചതിനെക്കുറിച്ചും അദ്ദേഹം സംസാരിച്ചു. മോഹൻലാൽ, മമ്മൂട്ടി തുടങ്ങിയ സഹപ്രവർത്തകരെക്കുറിച്ചും ജനാർദ്ദനൻ നല്ല വാക്കുകൾ പങ്കുവെച്ചു. സഹോദരതുല്യമായ സ്നേഹമാണ് അവരിൽ നിന്ന് ലഭിക്കുന്നതെന്നും, നടന്മാർ അറിയപ്പെടാത്ത പല സഹായങ്ങളും ചെയ്യാറുണ്ടെന്നും അദ്ദേഹം കൂട്ടിച്ചേർത്തു. മോഹൻലാലിനെ ചെറുപ്പത്തിൽ 'പൂവമ്പഴം' എന്ന് വിളിക്കാറുണ്ടെന്നും അദ്ദേഹം വെളിപ്പെടുത്തി.