അങ്ങനെ ഞങ്ങൾ മൂത്തോനെ കണ്ടുപിടിച്ചു ഗയ്‌സ്..; ആ ഡയലോഗ് കാമിയോ റോളിൽ തിളങ്ങിയത് നമ്മുടെ സ്വന്തം 'മമ്മൂക്ക' തന്നെ; വൈറലായി ലോക ടീമിന്റെ പിറന്നാൾ സമ്മാനം

കൊച്ചി: പ്രശസ്ത നടൻ മമ്മൂട്ടിയ്ക്ക് 'ലോകം' സിനിമയുടെ അണിയറ പ്രവർത്തകർ പിറന്നാൾ ആശംസകൾ നേർന്നു. സോഷ്യൽ മീഡിയയിൽ പങ്കുവെച്ച പോസ്റ്ററിലൂടെയാണ് ഇവർ 'മൂത്തോന്' ജന്മദിനാശംസകൾ അറിയിച്ചത്. മമ്മൂട്ടിയുടെ 74-ാം പിറന്നാളാണ് ഇന്ന്.

'ലോകം' സിനിമയിൽ മമ്മൂട്ടിയുടെ കഥാപാത്രം 'മൂത്തോൻ' എന്നായിരുന്നു അറിയപ്പെട്ടിരുന്നത്. ചിത്രത്തിൽ വെറും ഒരു സംഭാഷണം മാത്രമുണ്ടായിരുന്ന ഈ അതിഥി വേഷത്തിൽ മമ്മൂട്ടി എത്തുമെന്ന അഭ്യൂഹങ്ങൾ നേരത്തെ സോഷ്യൽ മീഡിയയിൽ പ്രചരിച്ചിരുന്നു. കഥാപാത്രത്തിന്റെ കൈകളും ശബ്ദവും മാത്രം അവതരിപ്പിച്ചപ്പോൾ തന്നെ അത് മമ്മൂട്ടിയാണെന്ന് പലരും ഊഹിച്ചിരുന്നു.

ഈ സിനിമയുടെ നിർമ്മാതാവും മമ്മൂട്ടിയുടെ മകനുമായ ദുൽഖർ സൽമാനും ഈ പിറന്നാൾ ആശംസ പോസ്റ്റർ സോഷ്യൽ മീഡിയയിൽ പങ്കുവെച്ചിട്ടുണ്ട്.