പ്രമുഖ മലയാള സിനിമാതാരം നവ്യ നായർക്ക് ഓസ്‌ട്രേലിയയിലെ മെൽബൺ വിമാനത്താവളത്തിൽ വിമാനത്താവളത്തിൽ വെച്ച് 1890 ഓസ്‌ട്രേലിയൻ ഡോളർ (ഏകദേശം 1.4 ലക്ഷം രൂപ) പിഴ ലഭിച്ചത് മുല്ലപ്പൂവുമായി ബന്ധപ്പെട്ടാണ്. ഓണാവഘോഷങ്ങളുടെ ഭാഗമായി വിമാനയാത്രയ്ക്കിടെ തലയിൽ ചൂടാനായി കൊണ്ടുവന്ന 15 സെന്റീമീറ്റർ മാത്രം നീളമുള്ള മുല്ലപ്പൂവാണ് താരത്തിന് വിനയായത്. ഈ സംഭവം സംബന്ധിച്ച് നവ്യ നായർ തന്നെയാണ് വിശദീകരണവുമായി രംഗത്തെത്തിയിരിക്കുന്നത്.

സംഭവം നടന്നത് ഓണത്തിൻ്റെ തലേദിവസമായിരുന്നു. യാത്രയ്ക്കിടെ ഓണം ആഘോഷിക്കാനായി നവ്യ ഒരു മുല്ലപ്പൂവ് തലയിൽ ചൂടാൻ തീരുമാനിച്ചു. യാത്രാവേളയിൽ ഉപയോഗിക്കാൻ അമ്മയാണ് മുല്ലപ്പൂവ് നൽകിയത്. വിമാനത്തിൽ വെച്ച് ഉപയോഗിക്കാൻ വിചാരിച്ചാണ് ഇത് തലയിൽ വെച്ചതെന്നും, എന്നാൽ പിന്നീട് ഓസ്‌ട്രേലിയയിൽ ഇറങ്ങുമ്പോൾ ഉപയോഗിക്കാം എന്ന് കരുതി തലയിൽ നിന്ന് മാറ്റാതെ വെച്ചുവെന്നും നവ്യ വിശദീകരിച്ചു.

സിംഗപ്പൂർ എയർലൈൻസിലായിരുന്നു നവ്യയുടെ യാത്ര. മെൽബണിൽ ഇറങ്ങിയ ശേഷം ഡിക്ലറേഷൻ കാർഡ് പൂരിപ്പിക്കുമ്പോൾ, സസ്യങ്ങളുടെ ഭാഗങ്ങൾ കൈവശമുണ്ടോ എന്ന ചോദ്യത്തിന് 'ഇല്ല' എന്ന് രേഖപ്പെടുത്തി. ഇത് കാരണം താൻ കുടുങ്ങുമെന്ന് അന്ന് കരുതിയില്ലെന്നും, തൻ്റെ മനസ്സിൽ കഞ്ചാവ് ചെടികൾ പോലുള്ള നിരോധിത വസ്തുക്കളാണോ എന്ന് സംശയമുണ്ടായിരുന്നെന്നും താരം പറഞ്ഞു.

എന്നാൽ, വിമാനത്താവളത്തിൽ പരിശോധനയ്ക്ക് വിധേയയായപ്പോഴാണ് സംഭവം ശ്രദ്ധയിൽപ്പെട്ടത്. റെഡ് കാർപ്പെറ്റിലൂടെ നടന്നു നീങ്ങുന്നതിനിടെ ഉദ്യോഗസ്ഥർ തന്നെ തടയുകയും, ഒരു സ്നിഫർ ഡോഗ് എയർപോർട്ട് ഉദ്യോഗസ്ഥർ തൻ്റെ ഹാൻഡ് ബാഗ് പരിശോധിക്കുകയും ചെയ്തു. തൻ്റെ കൈവശം ബാഗിൽ ഒന്നുമില്ലായിരുന്നെങ്കിലും, തലയിൽ ഉണ്ടായിരുന്ന മുല്ലപ്പൂവാണ് പ്രശ്നമായത്.

ഉദ്യോഗസ്ഥർ മുല്ലപ്പൂവിനെക്കുറിച്ച് ചോദിച്ചപ്പോൾ, 'ജസ്മിൻ ഫ്ലവർ ഫ്രം കേരള' എന്ന് മറുപടി നൽകി. തുടർന്ന് 1890 ഡോളർ പിഴയായി അടയ്ക്കേണ്ടി വന്നുവെന്നും, അന്നേരം ഫോൺ എടുക്കാൻ പോലും സാധിച്ചില്ലെന്നും നവ്യ ഓർത്തെടുത്തു. ഒന്നേകാൽ ലക്ഷം രൂപ പിഴയായി അടക്കേണ്ടി വന്നത് വലിയ ഞെട്ടലുണ്ടാക്കിയെന്നും, കുറച്ച് നേരത്തേക്ക് ചെവിയിൽ നിന്നെല്ലാം പുക പോകുന്ന ഫീലിംഗ് ആയിരുന്നു എന്നും താരം കൂട്ടിച്ചേർത്തു. പിഴയടക്കേണ്ടി വന്നെങ്കിലും, അത് ഇതുവരെ അടച്ചിട്ടില്ലെന്നും, ഇതിനായി ഒരു പെറ്റീഷൻ സമർപ്പിക്കാൻ ഉദ്യോഗസ്ഥർ നിർദ്ദേശിച്ചതായും നവ്യ അറിയിച്ചു.

മുല്ലപ്പൂനവ്യ നായർവിവാദം

മറുനാടൻ മലയാളി ബ്യൂറോ