പാലക്കാട്: സിപിഎം നേതാവ് എ അയ്യപ്പൻ അന്തരിച്ചു. പാലക്കാട് ജില്ലയിൽ കർഷക തൊഴിലാളി പ്രസ്ഥാനത്തിന്റെ മുൻ നിര നേതാക്കളിൽ ഒരാളായിരുന്നു. ദീർഘകാലം പാർട്ടി വടക്കഞ്ചേരി ഏരിയാ സെക്രട്ടറിയും, ജില്ലാ കമ്മിറ്റി അംഗവുമായി പ്രവർത്തിച്ചിരുന്നു.

നിരവധി സമരങ്ങൾക്ക് നേതൃത്വം നൽകിയ അയ്യപ്പൻ മിച്ചഭൂമി സമരത്തിൽ പങ്കെടുത്ത് ജയിൽവാസമനുഷ്ഠിച്ചിട്ടുണ്ട്. നിലവിൽ കെഎസ്‌കെടിയു സസ്ഥാന കമ്മറ്റി അംഗമാണ്.

പുതുക്കോട് ഗ്രാമപഞ്ചായത്ത് പ്രസിഡണ്ട്, ജില്ലാ പഞ്ചായത്ത് സ്റ്റാന്റിങ് കമ്മിറ്റി ചെയർമാൻ എന്നീ ചുമതലകളും നിർവ്വഹിച്ചിട്ടുണ്ട്.