പൊലീസ് റെയ്ഡിൽ കഞ്ചാവുമായി യുവാവ് പിടിയിൽ; ഒളിപ്പിച്ചിരുന്നത് വീട്ടിൽ കിടപ്പുമുറിയിലെ ട്രാവൽ ബാഗിൽ

തിരുവല്ല : പൊലീസ് റെയ്ഡിൽ 85 ഗ്രാം കഞ്ചാവുമായി യുവാവ് പിടിയിൽ. ചാത്തങ്കരി അമിച്ചകരിലെ വീട്ടിൽ പൊലീസ് നടത്തിയ റെയ്ഡിലാണ് കഞ്ചാവ് കണ്ടെത്തിയത്.

അമിച്ചകരി മണലിൽ തെക്കേതിൽ വീട്ടിൽ വികാസ് ബാബു (30) ആണ് ചൊവ്വാഴ്ച വൈകിട്ട് അഞ്ചരയോടെ പുളിക്കീഴ് പൊലീസിന്റെ പിടിയിലായത്. പൊലീസിന് ലഭിച്ച രഹസ്യ വിവരത്തെ തുടർന്ന് നടത്തിയ റെയ്ഡിൽ വികാസിന്റെ കിടപ്പുമുറിയിലെ അലമാരയിൽ ട്രാവൽ ബാഗിൽ ഒളിപ്പിച്ച നിലയിൽ കഞ്ചാവ് പിടികൂടുകയായിരുന്നു.

പെരിങ്ങര കേന്ദ്രീകരിച്ച് പ്രവർത്തിക്കുന്ന കഞ്ചാവ് മാഫിയയുടെ പ്രധാന കണ്ണിയാണ് വികാസെന്ന് പുളിക്കീഴ് പൊലീസ് പറഞ്ഞു.