ഇൻഡോർ: മധ്യപ്രദേശിലെ ഇൻഡോറിൽ വീടിന് തീപിടിച്ച് ഏഴുപേർ വെന്തുമരിച്ചു. ഇന്നു പുലർച്ചെയാണ് സംഭവം. സ്വർണബാഗ് കോളനിയിലെ ഇരുനില കെട്ടിടത്തിനാണ് തീപിടിച്ചത്.

കെട്ടിടത്തിലുണ്ടായിരുന്ന ഒമ്പതുപേരെ രക്ഷപ്പെടുത്താൻ കഴിഞ്ഞതായി ഇൻഡോർ പൊലീസ് കമ്മീഷണർ ഹരിനാരായണൻ മിശ്ര പറഞ്ഞു. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം.

തീ നിയന്ത്രണവിധേയമായതായി അഗ്‌നിശമനസേന അറിയിച്ചു. സംഭവത്തിൽ മുഖ്യമന്ത്രി ശിവരാജ് സിങ് ചൗഹാൻ ദുഃഖം രേഖപ്പെടുത്തി.



ഇൻഡോർതീപിടുത്തംമരണം