നിങ്ങൾക്ക് വീട്ടിൽ 'കറിവേപ്പില' വളർത്താൻ ആഗ്രഹമുണ്ടോ?; എങ്കിൽ നിർബന്ധമായും ശ്രദ്ധിക്കേണ്ട കാര്യങ്ങൾ ഇതൊക്കെയാണ്; അറിയാം...

മലയാളികളുടെ അടുക്കളയിൽ കറിവേപ്പില ഒഴിച്ചുകൂടാനാവാത്ത ഒന്നാണ്. സാമ്പാർ മുതൽ പരിപ്പുവരെയെത്തുന്ന വിഭവങ്ങൾക്ക് സ്വാദും മണവും നൽകുന്നത് കറിവേപ്പിലയാണ്. വീട്ടിൽ കറിവേപ്പ് നട്ടുവളർത്താൻ ആഗ്രഹിക്കുന്നവർ ചില കാര്യങ്ങൾ ശ്രദ്ധിച്ചാൽ ചെടി ആരോഗ്യത്തോടെ വളർത്താം.

വിത്തുമുളച്ചോ തൈ നട്ടോ കറിവേപ്പ് വളർത്താം. വിത്തുകൾ ഉപയോഗിക്കുകയാണെങ്കിൽ ചെടി വളരാൻ സമയമെടുക്കും. അതിനാൽ, വേഗത്തിൽ ഫലം ലഭിക്കാൻ തൈകൾ നടുന്നതാണ് കൂടുതൽ ഉചിതം.

കറിവേപ്പ് ചെടിക്ക് നല്ല സൂര്യപ്രകാശം അത്യാവശ്യമാണ്. നേരിട്ട് സൂര്യപ്രകാശം ലഭിക്കുന്ന സ്ഥലങ്ങളിൽ ചെടി നടുന്നത് നല്ല വളർച്ചയ്ക്ക് സഹായിക്കും. ചെടിക്ക് വെള്ളം ഒഴിക്കുമ്പോൾ അമിതമാകാതെ ശ്രദ്ധിക്കണം. വെള്ളം കെട്ടിക്കിടക്കുന്നത് ചെടിയുടെ നാശത്തിന് കാരണമാകും. അതേസമയം, വെള്ളം തീരെ കുറയാനും പാടില്ല.

ചെടി വളരുന്ന പ്രായത്തിൽ മിതമായ അളവിൽ വളം ചേർക്കുന്നത് ചെടിയുടെ ആരോഗ്യത്തിന് ഗുണകരമാണ്. എന്നാൽ, അമിതമായി വളം ചേർക്കുന്നത് ചെടിയെ നശിപ്പിക്കാൻ സാധ്യതയുണ്ട്. ചെടി വളരുന്നതിനനുസരിച്ച് ആവശ്യമെങ്കിൽ വെട്ടിനിർത്തുന്നത് ചെടി കൂടുതൽ തഴച്ചുവളരാൻ സഹായിക്കും. കേടായതും പഴുത്തതുമായ ഇലകൾ യഥാസമയം നീക്കം ചെയ്യാനും ശ്രദ്ധിക്കണം.