കോട്ടയത്ത് യുവതിയെ കുത്തി പരിക്കേൽപ്പിച്ചു, ഭർത്താവ് കസ്റ്റഡിയിൽ

കോട്ടയം: കോട്ടയം പൈക മല്ലികശ്ശേരിയിൽ യുവതിയെ ഭർത്താവ് കുത്തി പരിക്കേൽപ്പിച്ചു. കണ്ണമുണ്ടയിൽ സിനിയെ (42) ആണ് ആക്രമിച്ചത്.

ഇന്നലെ രാത്രി 10.30 ഓടേയായിരുന്നു സംഭവം. കിടപ്പുമുറിയിൽ വെച്ച് സിനിയുടെ കഴുത്തിൽ ബിനോയ് കത്തി ഉപയോഗിച്ച് കുത്തുകയായിരുന്നു. കുട്ടികൾ മറ്റൊരു മുറിയിൽ ഉറങ്ങികിടക്കവേ ആയിരുന്നു സംഭവം. ഗുരുതരമായി പരിക്കേറ്റ സിനിയെ സ്വകാര്യ ആശുപത്രിയിൽ പ്രവേശിപ്പിച്ചു.