രഹസ്യ വിവരത്തിന്റെ അടിസ്ഥാനത്തിൽ പരിശോധന; പിടിച്ചെടുത്തത് ഏഴ് കിലോ ലഹരിമരുന്ന്; കുവൈറ്റിൽ പ്രവാസിയെ പൊക്കി പോലീസ്

കുവൈറ്റ്: കുവൈറ്റിൽ വിതരണം ചെയ്യാനായി സൂക്ഷിച്ച വൻതോതിലുള്ള മയക്കുമരുന്ന് ശേഖരവുമായി ഒരു ഏഷ്യൻ പൗരനെ അറസ്റ്റ് ചെയ്തതായി ക്രിമിനൽ സെക്യൂരിറ്റി സെക്ടറിനെ പ്രതിനിധീകരിച്ച് ആഭ്യന്തര മന്ത്രാലയം തിങ്കളാഴ്ച അറിയിച്ചു.

പ്രതിയുടെ കൈവശം മയക്കുമരുന്നുണ്ടെന്നുള്ള രഹസ്യവിവരം ലഭിച്ചതിനെത്തുടർന്നാണ് അറസ്റ്റ് നടന്നതെന്ന് ആഭ്യന്തര മന്ത്രാലയം പ്രസ്താവനയിൽ പറഞ്ഞു. വിവരം സ്ഥിരീകരിച്ച ശേഷം നിയമപരമായ വാറണ്ട് നേടി സുരക്ഷാ സേന ഇയാളുടെ താമസസ്ഥലത്ത് റെയ്ഡ് നടത്തി.