കുവൈറ്റ്: കുവൈറ്റ് അന്താരാഷ്ട്ര വിമാനത്താവളം പ്രവർത്തനക്ഷമതയുടെ പുതിയ ഏടുകളിലേക്ക് കടക്കുന്നു. നാളെ, ഒക്ടോബർ 30-ന്, വിമാനത്താവളത്തിലെ അത്യാധുനിക മൂന്നാം റൺവേയുടെയും പുതിയ എയർ ട്രാഫിക് കൺട്രോൾ ടവറിൻ്റെയും ഔദ്യോഗിക ഉദ്ഘാടനം നടക്കും. ഡയറക്ടറേറ്റ് ജനറൽ ഓഫ് സിവിൽ ഏവിയേഷന്റെ പ്ലാനിംഗ് ആൻഡ് പ്രോജക്ട്സ് ഡെപ്യൂട്ടി ഡയറക്ടർ ജനറൽ എൻജിനീയർ സാദ് അൽ-ഒതൈബി ആണ് ഇക്കാര്യം അറിയിച്ചത്.

ഈ രണ്ട് സുപ്രധാന വികസന പദ്ധതികളും വിമാനത്താവളത്തിൻ്റെ പ്രവർത്തനക്ഷമത വർദ്ധിപ്പിക്കുകയും വ്യോമയാന സുരക്ഷ മെച്ചപ്പെടുത്തുകയും ചെയ്യും. എയർ ട്രാഫിക്, ലോജിസ്റ്റിക്സ് സേവനങ്ങളുടെ പ്രാദേശിക കേന്ദ്രമായി കുവൈത്തിനെ മാറ്റാനുള്ള രാജ്യത്തിൻ്റെ ലക്ഷ്യങ്ങൾക്ക് ഇത് മുതൽക്കൂട്ടാകും. "മൂന്നാം റൺവേയും പുതിയ കൺട്രോൾ ടവറും രാജ്യത്തിൻ്റെ വ്യോമഗതാഗത സംവിധാനത്തിൽ ഒരു ഗുണപരമായ മുന്നേറ്റമാണ്," അൽ-ഒതൈബി പറഞ്ഞു.

4.58 കിലോമീറ്റർ നീളമുള്ള മൂന്നാം റൺവേ ലോകത്തിലെ ഏറ്റവും നീളമേറിയ റൺവേകളിൽ ഒന്നാണ്. ഇത് വിമാനങ്ങളുടെ ടേക്ക് ഓഫ്, ലാൻഡിംഗ് ശേഷി ഗണ്യമായി വർദ്ധിപ്പിക്കാനും വ്യോമഗതാഗത സുരക്ഷാ മാനദണ്ഡങ്ങൾ ഉയർത്താനും സഹായിക്കുമെന്ന് പ്രതീക്ഷിക്കുന്നു. വിമാനത്താവളത്തിൻ്റെ അടിസ്ഥാന സൗകര്യങ്ങൾ നവീകരിക്കുക, യാത്രക്കാർക്കുള്ള സേവനം മെച്ചപ്പെടുത്തുക, സ്വകാര്യ മേഖലയുടെ പങ്കാളിത്തം പ്രോത്സാഹിപ്പിക്കുക, അന്താരാഷ്ട്ര മാനദണ്ഡങ്ങൾക്കനുസരിച്ച് പ്രവർത്തനങ്ങൾ കൈകാര്യം ചെയ്യാൻ ഉദ്യോഗസ്ഥർക്ക് പരിശീലനം നൽകുക തുടങ്ങിയ വിപുലമായ തന്ത്രങ്ങളുടെ ഭാഗമാണ് ഈ വികസനം.

കുവൈറ്റ്എയർപോർട്ട്റൺവേ

സ്വന്തം ലേഖകൻ