വടംവലി മത്സരത്തിനിടെ ഡി.വൈ.എഫ്.ഐ നേതാവ് കുഴഞ്ഞു വീണു മരിച്ചു; അന്ത്യം സംഭവിച്ചത് പരിയാരം ബാങ്ക് ജീവനക്കാരനായ പി.വി.രതീഷിന്

കണ്ണൂര്‍ :പരിയാരത്ത് വടംവലി മത്സരത്തിനിടയില്‍ കുഴഞ്ഞുവീണ യുവാവ് മരിച്ചു. ഡി.വൈ.എഫ്.ഐ തിരുവട്ടൂര്‍ മേഖലാ സെക്രട്ടറിയും സിപിഎം പാച്ചേനി ബ്രാഞ്ച് അംഗവും പരിയാരം ബാങ്ക് ജീവനക്കാരനുമായ പി.വി.രതീഷാ(34) ണ് മരിച്ചത്. ഇന്നലെ രാത്രി എട്ടരയോടെ പാച്ചേനിയിലായിരുന്നു സംഭവം.

ഉടന്‍തന്നെ പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ എത്തിച്ചുവെങ്കിലും ഇന്ന് പുലര്‍ച്ചെ ഒരുമണിയോടെ മരണമടയുകയായിരുന്നു.

ഭാര്യ: അനുപമ. മൃതദേഹം വ്യാഴാഴ്ച്ച രാവിലെ 11 മണി മുതല്‍ 2 മണി വരെ പാച്ചേനി സ്‌കൂളില്‍ പൊതുദര്‍ശനം. വൈകുന്നേരം മൂന്ന് മണിക്ക് സംസ്‌കാരം പാച്ചേനി പൊതുശമ്ശാനത്തില്‍ നടക്കും.