പൂവൻകോഴികളെ കാണാതാകുന്നത് പതിവ്; യുവാാക്കളുടെ സംശയം പെയിന്റിങ് തൊഴിലാളിയിൽ; ചോദ്യം ചെയ്യൽ കലാശിച്ചതുകൊലപാതകത്തിൽ; അഞ്ച് യുവാക്കൾ അറസ്റ്റിൽ

പാലക്കാട്: പെയിന്റിങ് തൊഴിലാളിയായ പാലത്തുറ സ്വദേശി വിജയനെ കൊലപ്പെടുത്തിയ സംഭവത്തിൽ അഞ്ച്‌പേരെ അറസ്റ്റ് ചെയ്ത് പൊലീസ്. കഴിഞ്ഞ വ്യാഴാഴ്ചയാണ് പാലക്കാട് മധുക്കര പാലത്തുറയിൽ എം.വിജയൻ കൊല്ലപ്പെട്ടത്. സ്ഥലത്തെ പൂവൻകോഴികളെ കാണാതാകുന്നതുമായി ബന്ധപ്പെട്ട് യുവാക്കളുമായുണ്ടായ തർക്കമാണ് കൊലയിൽ കലാശിച്ചത്.

മധുക്കര സ്വദേശി എസ്. ധനുഷ്(25), അറ്റ്ലാന്റിക് നഗറിലെ കോളേജ് വിദ്യാർത്ഥി ബിനാസ്(26), മലുമിച്ചാംപട്ടി എസ്.സാബിർ(24), പോത്തനൂർ ഗുണേശ്വരപുരം ഹരിഹരൻ(21), കോളേജ് വിദ്യാർത്ഥി സുഗരാപുരം സ്വദേശി ആർ.പരുത്തിവനിയ(22) എന്നിവരെയാണ് അറസ്റ്റ് ചെയ്തത്. ഇവരെ കോടതി റിമാൻഡ് ചെയ്തു.

പ്രദേശത്തെ പൂവൻ കോഴികളെ കാണാതാകുന്ന സംഭവം സ്ഥിരമായിരുന്നു. ഇതിനെത്തുടർന്ന് ധനുഷും ബിനാസും വളർത്തുന്ന നായ്ക്കുട്ടിയെയും കാണാതായിരുന്നു. ഇതുമായി ബന്ധപ്പെട്ട് ഇവർ വിജയനുമായി തർക്കമുണ്ടാകുകയും വിജയനെ യുവാക്കൾ കൊലപ്പെടുത്തുകയുമായിരുന്നു.