മണ്ണിൽ അനങ്ങാനാവാതെ മലർന്നു കിടക്കുന്ന ആമ; തന്റെ കൊമ്പുകൊണ്ട് നേരെയാക്കാൻ സഹായിക്കുന്ന എരുമ; വൈറലായി വീഡിയോ

തിരുവനന്തപുരം: മുന്നോട്ട് ചലിക്കുന്നതിനിടെ മലർന്നു വീണുപോയി മണ്ണിൽ അനങ്ങാനാവാതെ വന്ന ആമയെ നേരെയാക്കാൻ സഹായിക്കുന്ന ഒരു എരുമയുടെ വീഡിയോ ആണ് സാമൂഹ്യ മാധ്യമങ്ങളിൽ ഇപ്പോൾ വൈറലാകുന്നത്.

കാലുകൾ മുകളിലേക്കാക്കി മലർന്നു കിടന്ന ആമയെ തന്റെ കൊമ്പുകൊണ്ട് നേരെ കമഴ്‌ത്തിയിടുന്ന എരുമയെ ആണ് വീഡിയോയിൽ കാണുന്നത്. കൂടുതൽ സമയം മലർന്നു കിടക്കുന്നത് ആമകളുടെ ജീവൻ തന്നെ അപകടത്തിലാക്കും. ഈ സന്ദർഭത്തിലാണ് എരുമ ആമയെ സഹായിക്കാൻ എത്തിയത്.

Buffalo saved a tortoise by flipping him over..

???? IG: sanamkamran pic.twitter.com/DpHAbsk2eA

- Buitengebieden (@buitengebieden_) December 16, 2021

ആമയെപ്പോലുള്ള നിസ്സാരനായ ജീവിയെ സഹായിക്കാൻ കാണിച്ച എരുമയുടെ മനസ്സിനെ പ്രശംസിക്കുകയാണ് ഇപ്പോൾ സൈബർ ലോകം. സഹജീവിസ്‌നേഹവും സഹായ മനോഭാവവുമൊക്കെ മനുഷ്യർക്ക് മാത്രമല്ല മൃഗങ്ങൾക്കുമുണ്ട് എന്നാണ് ആളുകളുടെ കമന്റ്. ഹൃദ്യമായ ഈ ദൃശ്യം ട്വിറ്ററിലാണ് പ്രചരിക്കുന്നത്.ഈ കാഴ്ചകൾ കണ്ട് കൂടിനിന്ന ആളുകൾ കൈയടിക്കുന്നതും ആഹ്ലാദം പ്രകടിപ്പിക്കുന്നതും വീഡിയോയിൽ ഉണ്ട്.