കണ്ണൂരിൽ ടിപ്പർ ലോറി ബൈക്കിലിടിച്ച് വിദ്യാർത്ഥി മരിച്ചു; മരണമടഞ്ഞത് 19 കാരനായ സഹൽ പിപി

കണ്ണൂർ: കണ്ണൂർ കക്കാട് ടിപ്പർ ലോറി ബൈക്കുമായി കൂട്ടിയിടിച്ച് വിദ്യാർത്ഥി മരിച്ചു. തളിപ്പറമ്പ് സർസയ്യിദ് ഇൻസ്റ്റിറ്റിയുട്ട് ഒന്നാം വർഷ കമ്പ്യൂട്ടർ സയൻസ് വിദ്യാർത്ഥി കണ്ണൂർ കുറുവ പാലത്തിന് സമീപം ശംഷീറാസിൽ സഹൽ പിപി (19)ആണ് മരിച്ചത്.

ബൈക്കിൽ കൂടെയുണ്ടായിരുന്ന സർസയ്യിദ് കോളജ് ഡിഗ്രി വിദ്യാർത്ഥി കക്കാട് ശാദുലിപള്ളി സ്വദേശി കെ ദിൽഷാദ് (18) നെ പരിക്കുകളോടെ ആശുപത്രിയിൽ പ്രവേശിപ്പിച്ചു. ഇന്ന് ഉച്ചയ്ക്ക് ഒരു മണിയോടെ കക്കാട് വിപി മഹമൂദ് ഹാജി സ്മാരക ഇംഗ്ളീഷ് സ്‌കൂളിന് സമീപമാണ് അപകടം.
കുറുവയിലെ റഫീഖ്-സീനത്ത് ദമ്പതികളുടെ മകനാണ്. സഹോദരൻ: ഇഖ്ബാൽ. ഖബറടക്കം ഇന്ന് രാവിലെ 11 ന് സിറ്റി മൈതാന പള്ളി ഖബറസ്ഥാനിൽ നടക്കും.