വിവാഹ വാഗ്ദാനം നൽകി പ്ലസ്ടു വിദ്യാർത്ഥിനിയെ പീഡിപ്പിച്ചു: യുവാവ് പിടിയിൽ

കൊല്ലം: പ്ലസ്ടു വിദ്യാർത്ഥിനിയെ വിവാഹ വാഗ്ദാനം നൽകി പീഡിപ്പിച്ച കേസിൽ കരുനാഗപ്പള്ളി ആലപ്പാട് ആലംകടവ് താന്നിക്കൽ വീട്ടിൽ മിൻഹാജിനെ കിളികൊല്ലൂർ പൊലീസ് അറസ്റ്റ് ചെയ്തു. പ്ലസ്ടു വിദ്യാർത്ഥിനിയെ വിവാഹ വാഗ്ദാനം നൽകി മൊബൈൽ ഫോണിലൂടെ നിരന്തരം പ്രലോഭിപ്പിച്ച് തട്ടിക്കൊണ്ടു പോയാണ് പീഡനത്തിന് ഇരയാക്കിയത്. പെൺകുട്ടിയെ കാണാതായതിനെത്തുടർന്ന് വീട്ടുകാർ കിളികൊല്ലൂർ പൊലീസിൽ പരാതി നൽകുകയായിരുന്നു.

അന്വേഷണത്തിൽ ഇരുവരെയും പാലക്കാട് മണ്ണാർക്കാട് പൊലീസ് സ്റ്റേഷൻ പരിധിയിൽ നിന്നു മണ്ണാർക്കാട് പൊലീസിന്റെ സഹായത്തോടെ അറസ്റ്റ് ചെയ്യുകയായിരുന്നു. കിളികൊല്ലൂർ ഇൻസ്‌പെക്ടർ കെ.വിനോദ്, എസ്‌ഐമാരായ എ.പി.അനീഷ്, സ്വാതി, സന്തോഷ്, സിപിഒ സാജ്, സജു, ദീപു ഡേവിഡ്, പി.കെ.സജി എന്നിവരടങ്ങുന്ന പൊലീസ് സംഘമാണ് അറസ്റ്റ് ചെയ്തത്. കോടതിയിൽ ഹാജരാക്കി റിമാൻഡ് ചെയ്തു.