എന്നെക്കൊണ്ട് പറയിപ്പിക്കരുത്; അനാവശ്യമായി പ്രകോപിപ്പിക്കരുത്; ഒരുപാട് കേസുകളുണ്ട്; ആ കേസുകളെക്കുറിച്ച് എല്ലാമറിയാവുന്ന ആളാണ് ഞാന്‍; സൈബര്‍ ആക്രമണം തുടര്‍ന്നാല്‍ വാര്‍ത്താസമ്മേളനം നടത്തി ഞാന്‍ എല്ലാം പറയുമെന്ന് രാജ്മോഹന് ഉണ്ണിത്താന്‍; ഇരയെ സൈബര്‍ ആക്രമണത്തിന് വിധേയയാക്കുന്നത് ഇമ്മിഡിയറ്റ് റെസ്‌പോണ്‍സ് ടീം; പോലീസ് അന്വേഷണം കോണ്‍ഗ്രസ് ഗ്രൂപ്പിലേക്ക്
തിരുവനന്തപുരം: വീണ്ടും രാജ്മോഹന് ഉണ്ണിത്താന്‍..... മാങ്കൂട്ടത്തിലിന്റെ സകല ചരിത്രവും അറിയാമെന്നും അതുകൊണ്ട് ഇനി സൈബര്‍ ആക്രമണം തുടര്‍ന്നാല്‍ പലതും പരസ്യമായി വിളിച്ച് പറയേണ്ടിവരുമെന്നും രാജ്മോഹന് ഉണ്ണിത്താന്‍ എംപി. ആ പറയുന്നത് അവന്റെ അന്ത്യംകുറിക്കും' എന്നുമുള്ള താക്കീത് ഉണ്ണിത്താന്‍ നല്‍കി. രാഹുല്‍ മാങ്കൂട്ടത്തിലിനെതിരെ പരാതി നല്‍കിയ അതിജീവിതയ്‌ക്കെതിരെ കടുത്ത സൈബര്‍ ആക്രമണമാണ് നടന്നുകൊണ്ടിരിക്കുന്നത്. ഇതിനുപിന്നില്‍ ആരാണ് പ്രവര്‍ത്തിക്കുന്നത്. ഇതുമായി ബന്ധപ്പെട്ട നിര്‍ണായക വിവരങ്ങള്‍ മറുനാടന് കിട്ടി. ഇതിനിടെയാണ് രാജ്മോഹന് ഉണ്ണിത്താന്റെ കടന്നാക്രമണവും.
'മാങ്കൂട്ടത്തിലിനായി കോണ്‍ഗ്രസിന്റെ പ്രതിച്ഛായ കളങ്കപ്പെടുത്തി. കോണ്‍ഗ്രസ് മുഖപത്രമായ വീക്ഷണത്തില്‍ മാങ്കൂട്ടത്തിലിനെ ന്യായീകരിച്ചുള്ള എഡിറ്റോറിയല്‍ കേരളത്തിലെ പൊതുസമൂഹം പരമപുച്ഛത്തോടെ തളളിക്കളയും. കോണ്‍ഗ്രസില്‍ വ്യക്തിത്വമുളളവരെ സൈബര്‍ ആക്രമണത്തിലൂടെ കീഴ്പ്പെടുത്തി അവരുടെ വായടപ്പിക്കാനാണ് ശ്രമമെങ്കില്‍ കൂടുതല്‍ കാര്യങ്ങള്‍ ഞാന്‍ പറയും. എന്നെക്കൊണ്ട് പറയിപ്പിക്കരുത്. അനാവശ്യമായി പ്രകോപിപ്പിക്കരുത്. ഒരുപാട് കേസുകളുണ്ട്. ആ കേസുകളെക്കുറിച്ച് എല്ലാമറിയാവുന്ന ആളാണ് ഞാന്‍. സൈബര്‍ ആക്രമണം തുടര്‍ന്നാല്‍ വാര്‍ത്താസമ്മേളനം നടത്തി ഞാന്‍ എല്ലാം പറയും': രാജ്മോഹന് ഉണ്ണിത്താന്‍ പറഞ്ഞു.
കേരളത്തിലെ മുഴുവന്‍ കോണ്‍ഗ്രസ് നേതാക്കളേക്കാള്‍ ജനകീയ സ്വാധീനം തനിക്കാണെന്ന് വരുത്തിത്തീര്‍ക്കാന്‍ മാങ്കൂട്ടത്തില്‍ ഹീനമായ മാര്‍ഗങ്ങളുപയോഗിച്ച് പിആര്‍ വര്‍ക് നടത്തിയെന്ന് ഉണ്ണിത്താന്‍ കഴിഞ്ഞ ദിവസം പറഞ്ഞിരുന്നു. അതിന്റെ ഫലമാണ് ഇപ്പോള്‍ കിട്ടിയത്. വിഷയത്തില്‍ മാങ്കൂട്ടത്തിലിനെതിരെ ഉചിതമായ തീരുമാനം ഉചിതമായ സമയത്ത് കോണ്‍ഗ്രസ് എടുത്തു. ആ തീരുമാനം ശരിയായിരുന്നു. അയാള്‍ ഒറ്റയൊരുത്തനാണ് ആ തീരുമാനം ലംഘിച്ചതെന്നും ഉണ്ണിത്താന്‍ മുന്‍പ് വ്യക്തമാക്കിയതാണ്.
കോണ്‍ഗ്രസില്‍ നിന്ന് സസ്‌പെന്‍ഡ് ചെയ്ത രാഹുല്‍ മാങ്കൂട്ടം എംഎല്‍എയ്ക്ക് വേണ്ടി പാര്‍ട്ടിയുടെ ഔദ്യോഗിക ഡിജിറ്റല്‍ പ്ലാറ്റ്‌ഫോം ആയ ഇമ്മിഡിയറ്റ് റെസ്‌പോണ്‍സ് ടീമിലെ അംഗങ്ങള്‍ തന്നെ സൈബര്‍ ആക്രമണത്തിന് ആഹ്വാനം ചെയ്യുന്ന തെളിവുകളാണ് പുറത്തു വരുന്നത്. സുപ്രീംകോടതിയുടെ അടക്കം കര്‍ശനമായ നിര്‍ദ്ദേശം ഉള്ള സാഹചര്യത്തിലാണ് രാഹുല്‍ മാങ്കൂട്ടത്തിനെതിരെ ഗുരുതരമായ ലൈംഗിക പീഡന ആരോപണം ഉന്നയിച്ച അതിജീവിതയ്‌ക്കെതിരെ മാങ്കൂട്ടം അനുകൂലികളുടെ സൈബര്‍ ആക്രമണ ആസൂത്രണം. ഈ ഗ്രൂപ്പിലേക്കാണ് പോലീസ് അന്വേഷണം നീളുന്നത്.
സമയം ഇരയെ ആക്ഷേപിച്ചും രാഹുല്‍ മാങ്കോട്ടത്തിനെ പിന്തുണച്ചും മഹിളാ കോണ്‍ഗ്രസ് പത്തനംതിട്ട ജില്ലാ ജനറല്‍ സെക്രട്ടറി ബിന്ദു ബിനു ഇക്കഴിഞ്ഞ ദിവസം രംഗത്ത് വന്നിരുന്നു. ഇതിന് പിന്നിലും ഈ ഗ്രൂപ്പാണോ എന്നുള്ള സംശയവും നിലനില്‍ക്കുന്നു. ഫേസ്ബുക്കിലൂടെയാണ് ബിന്ദു ബിനു ഇരെയ അധിക്ഷേപിച്ചത്. ഇരയുടെ ആരോപണത്തിന് അടിസ്ഥാനം ഇല്ല എന്നായിരുന്നു പോസ്റ്റില്‍ പറയുന്നത്. ഭര്‍ത്താ മതിയുടെ തോരകൊള്ളാം തുടങ്ങിയ നിരവധി അധിക്ഷേപ പരാമര്‍ശങ്ങളാണ് പോസ്റ്റില്‍ ഉള്ളത്.
ഗര്‍ഭഛിദ്രത്തില്‍ രാഹുല്‍ മാങ്കൂട്ടത്തില്‍ എംഎല്‍എയെ തളയ്ക്കാനാണ് പോലീസ് നീക്കം. അശാസ്ത്രീയ ഭ്രൂണഹത്യയാണ് നടത്തിയത് എന്നതിന്റെ തെളിവുകള്‍ പോലീസ് കണ്ടെത്തി. ബലാത്സംഗ കുറ്റം മാങ്കൂട്ടത്തിലിനെതിരെ ചുമത്തിയിട്ടുണ്ട്. എന്നാല്‍ ഇത് നിലനില്‍ക്കുമോ എന്ന സംശയം സജീവമാണ്. ഈ സാഹചര്യത്തിലാണ് ഗര്‍ഭഛിദ്രം ഗൗരവത്തില്‍ എടുക്കുന്നത്. ഈ ആരോപണം മാങ്കൂട്ടത്തിലിനെ കുടുക്കുമെന്നാണ് പോലീസ് നിഗമനം.
ഗര്‍ഭസ്ഥ ശിശുവിന് മൂന്നുമാസത്തെ വളര്‍ച്ചയാണ് ഉണ്ടായിരുന്നത്. ഏഴാഴ്ച വരെ കഴിക്കാവുന്ന മൈഫിപ്രിസ്റ്റോണ്‍, മൈസോപ്രോസ്റ്റോള്‍ എന്നീ മരുന്നുകളാണ് രാഹുലിന്റെ സുഹൃത്ത് ജോബി എത്തിച്ച് നല്‍കിയത്. ഡോക്ടറുടെ മാര്‍ഗനിര്‍ദേശമോ സാന്നിധ്യമോ ഇല്ലാതെ കഴിച്ചാല്‍ ജീവന്‍ പോലും അപകടത്തിലാക്കാവുന്ന മരുന്നുകളാണിവ. ട്യൂബല്‍ പ്രഗ്നന്‍സിയാണെങ്കില്‍ ട്യൂബ് പൊട്ടി മരണം വരെ സംഭവിച്ചേക്കാമെന്ന് ഡോക്ടര്‍ പറഞ്ഞതായും യുവതി മൊഴി നല്‍കി. ഈ ഡോക്ടറുടെ മൊഴി പോലീസ് എടുത്തു. ആശുപത്രിയില്‍ നിന്നും രേഖകളും പിടിച്ചെടുത്തു.
വിവാഹബന്ധം ഒഴിഞ്ഞപ്പോള്‍ ആശ്വസിപ്പിക്കാനെന്ന തരത്തിലാണ് രാഹുല്‍ സൗഹൃദം സ്ഥാപിച്ചത്. ഒന്നിച്ച് ജീവിക്കാമെന്ന് പറഞ്ഞ് പ്രലോഭിപ്പിച്ചുവെന്നും സൗഹൃദം പ്രണയമായപ്പോള്‍ കൂടുതല്‍ അടുപ്പമുണ്ടായെന്നും യുവതി പൊലീസിന് മൊഴി നല്‍കി. അടുപ്പവും വിശ്വാസവും മുതലെടുത്ത് നഗ്നദൃശ്യങ്ങള്‍ രാഹുല്‍ പകര്‍ത്തിയെന്നും പിന്നീട് ഇത് കാണിച്ച് ഭീഷണിപ്പെടുത്തി വരുതിയിലാക്കി ക്രൂരമായി ബലാല്‍സംഗം ചെയ്തുവെന്നും മൊഴിയില്‍ വിശദീകരിക്കുന്നു.
