ചെന്നൈ: ദീപാവലി സീസണിൽ കമ്പനി നൽകിയ സമ്മാനങ്ങളെ പറ്റിയറിഞ്ഞ് ഞെട്ടിയിരിക്കുകയാണ് ജീവനക്കാർ. ചെന്നൈയിൽ പ്രവർത്തിക്കുന്ന സ്ട്രക്ചറൽ സ്റ്റീൽ ഡിസൈൻ ആൻഡ് ഡീറ്റെയ്‌ലിംഗ് സ്ഥാപനമാണ് തങ്ങളുടെ ജീവനക്കാർക്കായി വമ്പൻ ഓഫറുകൾ പ്രഖ്യാപിച്ചിരിക്കുന്നത്. ദീപാവലി സമ്മാനമായി കമ്പനി 28 കാറുകളും 29 ബൈക്കുകളും സമ്മാനിച്ചു.

ഹ്യൂണ്ടായ്, മാരുതി സുസുക്കി, ടാറ്റ മോട്ടോഴ്‌സ്, മെഴ്‌സിഡസ് ബെൻസ് തുടങ്ങിയ ബ്രാൻഡുകളിൽ നിന്നുള്ള ഏറ്റവും മികച്ച കാറുകൾ കമ്പനി തങ്ങളുടെ കഠിനാധ്വാനികളായ ജീവനക്കാർക്ക് നൽകിയത്. 2005ൽ സ്ഥാപിതമായ കമ്പനിയിൽ ഏകദേശം 180 തൊഴിലാളികൾ ജോലി ചെയ്യുന്നുണ്ട്. കമ്പനിയുടെ മാനേജിംഗ് ഡയറക്ടർ ശ്രീധർ കണ്ണനാണ്.

ജീവനക്കാരാണ് ഞങ്ങളുടെ ഏറ്റവും വലിയ ആസ്തി. അസാധാരണമായ അർപ്പണബോധവും പ്രതിബദ്ധതയും പ്രകടിപ്പിക്കുന്നവരാണ് ഞങ്ങളുടെ ജീവനക്കാർ. അവരുടെ നേട്ടങ്ങൾ തിരിച്ചറിയുന്നതിൽ അഭിമാനിക്കുകയാണെന്നും ശ്രീധർ കണ്ണൻ പറഞ്ഞു.

ഇതാദ്യമായല്ല കമ്പനി തങ്ങളുടെ ജീവനക്കാർക്ക് സമ്മാനങ്ങൾ നൽകുന്നത്. 2022ൽ രണ്ട് ജീവനക്കാർക്ക് കാറുകൾ സമ്മാനമായി നൽകി. അതോടൊപ്പം ജീവനക്കാരുടെ വിവാഹങ്ങൾക്ക് നൽകിവരുന്ന സാമ്പത്തിക സഹായം അരലക്ഷം രൂപയിൽ നിന്ന് ഒരുലക്ഷം രൂപയായി വർധിപ്പിക്കുകയും ചെയ്തു.

ചെന്നൈദീപാവലികമ്പനി

സ്വന്തം ലേഖകൻ