താഴെത്തെ നിലയിൽ കറുത്ത പുക; പരിഭ്രാന്തിയിൽ ആളുകൾ ഇറങ്ങിയോടി; ജനല്‍ തകര്‍ത്ത് രക്ഷപ്പെട്ട രണ്ടുപേർക്ക് പരിക്ക്; നോയിഡയിലെ സ്വകാര്യ ആശുപത്രിയില്‍ തീപിടിത്തം; ആളപായമില്ല

നോയിഡ: നോയിഡയിലെ സ്വകാര്യ ആശുപത്രിയില്‍ തീപിടിത്തം നടന്നതായി വിവരങ്ങൾ. സുമിത്ര ആശുപത്രിയിലെ താഴത്തെ നിലയിലാണ് തീപിടിത്തം നടന്നത്. ഷോര്‍ട്ട് സര്‍ക്യൂട്ടാണ് കാരണം എന്നാണ് റിപ്പോര്‍ട്ടുകള്‍. റെക്കോര്‍ഡി റൂമിലെ ജനല്‍ തകര്‍ത്ത് രക്ഷപ്പെടാന്‍ ശ്രമിച്ച രണ്ടുപേര്‍ക്ക് പരിക്ക് പറ്റി.

സംഭവത്തില്‍ ആളപായമില്ല എന്ന് ആശുപത്രി അധികൃതര്‍ വ്യക്തമാക്കി. ഒരു മണിക്കൂറില്‍ തീ നിയന്ത്രണ വിധേയമാക്കിയെന്ന് ഗൗതം ബുദ്ധ നഗറിലെ ചീഫ് ഫയർ ഓഫീസർ (സിഎഫ്ഒ) പ്രദീപ് കുമാർ വ്യക്തമാക്കി.