സമാധാനത്തോടെ വിമാനത്തിൽ കയറിയ യാത്രക്കാർ; പുറകിലത്തെ സീറ്റിലെ ഒരാളുടെ സ്വഭാവം വഷളായത് നിമിഷ നേരം കൊണ്ട്; മുഴുവൻ അടിയും ബഹളം; കാരണം കേട്ട് തലയിൽ കൈവച്ച് ക്യാബിൻ ക്രൂ

കൊൽക്കത്ത: ഡ​ൽ​ഹി-​ കൊൽക്കത്ത ഇ​ൻ​ഡി​ഗോ വി​മാ​ന​ത്തി​ലെ ജീ​വ​ന​ക്കാ​രും യാ​ത്ര​ക്കാ​ര​നും ത​മ്മി​ൽ മ​ത​പ​ര​മാ​യ മു​ദ്രാ​വാ​ക്യ​ത്തെ​ച്ചൊ​ല്ലി രൂ​ക്ഷ​മാ​യ ത​ർ​ക്കം. ഇതിനെ തുടർന്ന് വി​മാ​നം മൂ​ന്ന് മ​ണി​ക്കൂ​റോ​ളം വൈ​കി. വി​മാ​ന​ത്തി​നു​ള്ളി​ൽ ഹ​ർ ഹ​ർ മ​ഹാ​ദേ​വ മു​ദ്രാ​വാ​ക്യം വി​ളി​യ്ക്കു​ക​യും മ​റ്റു​ള്ള​വ​രോ​ട് വി​ളി​ക്കാ​ൻ ആ​വ​ശ്യ​പ്പെ​ടു​ക​യും ചെ​യ്ത​തി​നെ തു​ട​ർ​ന്നാ​ണ് സം​ഭ​വം നടന്നത്.

മ​ത​പ​ര​മാ​യ മു​ദ്രാ​വാ​ക്യം വി​ളി​ച്ച​തി​നും വി​മാ​ന​ത്തി​ൽ മ​ദ്യ​പി​ച്ച​തി​നും ഇ​രു​വി​ഭാ​ഗ​വും പ​ര​സ്പ​രം പ​രാ​തി ന​ൽ​കി. അ​ഭി​ഭാ​ഷ​ക​നാ​യ യാ​ത്ര​ക്കാ​ര​ൻ പ്ര​ശ്‌​ന​മു​ണ്ടാ​ക്കി​യ​താ​യി ജീ​വ​ന​ക്കാ​ർ ആ​രോ​പി​ച്ചു. അ​തേ​സ​മ​യം, എ​യ​ർ​ലൈ​ൻ ജീ​വ​ന​ക്കാ​ർ അ​ടി​സ്ഥാ​ന സേ​വ​ന​ങ്ങ​ൾ നി​ഷേ​ധി​ക്കു​ക​യും ഉ​പ​ദ്ര​വി​ക്കു​ക​യും ചെ​യ്തു​വെ​ന്ന് അ​ഭി​ഭാ​ഷ​ക​നും ആ​രോ​പി​ച്ചു. ഇ​രു​വ​രു​ടെ​യും പ​രാ​തി​ക​ൾ അ​ന്വേ​ഷി​ച്ചു​വ​രി​ക​യാ​ണെ​ന്ന് പോ​ലീ​സ് പ​റ​ഞ്ഞു.

31D യി​ൽ ഇ​രു​ന്നു വി​മാ​ന​ത്തി​ൽ ക​യ​റി​യ യാ​ത്ര​ക്കാ​ര​ൻ മ​ദ്യ​പി​ച്ച നി​ല​യി​ലാ​യി​രു​ന്നു​വെ​ന്നും സ​ഹ​യാ​ത്രി​ക​രെ ഹ​ർ ഹ​ർ മ​ഹാ​ദേ​വ് എ​ന്ന് വി​ളി​ക്കാ​ൻ പ്രേ​രി​പ്പി​ച്ച​താ​യും എ​യ​ർ ഹോ​സ്റ്റ​സ് പ​രാ​തി​പ്പെ​ട്ടു. വി​മാ​നം പു​റ​പ്പെ​ട്ട ശേ​ഷം സോ​ഫ്റ്റ് ഡ്രി​ങ്കി​ൽ മ​ദ്യം ക​ല​ർ​ത്തി കു​ടി​ക്കാ​ൻ ശ്ര​മി​ക്കു​ക​യും ജീ​വ​ന​ക്കാ​ർ ചോ​ദ്യം ചെ​യ്ത​പ്പോ​ൾ അ​യാ​ൾ പെ​ട്ടെ​ന്ന് അ​ത് കു​ടി​ച്ചെ​ന്നും ജീ​വ​ന​ക്കാ​ർ പ​റ​ഞ്ഞു. ഇ​യാ​ളെ കോ​ൽ​ക്ക​ത്ത​യി​ലെ സു​ര​ക്ഷാ ജീ​വ​ന​ക്കാ​ർ​ക്ക് കൈമാറുകയും ചെയ്തു.