'ചെറിയൊരു കൈയ്യബദ്ധം നാറ്റിക്കരുത്..'; റീൽസ് എടുത്ത് മാസ് കാണിക്കാൻ റെയിൽവേ ട്രാക്കിൽ 'ഥാർ' ഓടിച്ചുകയറ്റി; അണ്ണാ..പൊളിയെന്ന് കണ്ടു നിന്നവർ; പിന്നീട് സംഭവിച്ചത്..; ചിരിയടക്കാൻ പറ്റാതെ നാട്ടുകാർ..!

ജയ്പൂർ: വീഡിയോ എടുക്കാനായി യുവാവ് കാണിച്ചത് വൻ കൈയ്യബദ്ധം. റീൽസ് എടുത്ത് ഇൻസ്റ്റയിൽ ഷെയർ ചെയ്ത് മാസ് കാണിക്കാൻ നോക്കിയ യുവാവിനാണ്‌ എട്ടിന്റെ പണി കിട്ടിയത്. വീഡിയോ പക‌ർത്തുന്നതിനായി റെയിൽവേ ട്രാക്കിൽ 'മഹീന്ദ്ര ഥാർ' ഓടിച്ച യുവാവ് പിടിയിൽ. രാജസ്ഥാനിലെ ജയ്പൂരിലാണ് സംഭവം നടന്നത്.

റീൽ എടുക്കാനായി ഇയാൾ തന്റെ വാഹനം റെയിൽവേ ട്രാക്കിലൂടെ ഓടിച്ചു കയറ്റുകയായിരുന്നു. ഇതിനിടെ ട്രെയിൻ വരുന്നത് കണ്ട് വണ്ടി മാറ്റാൻ ശ്രമിച്ചെങ്കിലും കഴിഞ്ഞില്ല.ഒടുവിൽ വാഹനം ട്രാക്കിൽ കുടുങ്ങി.

ട്രാക്കിൽ വാഹനം പാഞ്ഞ് വരുന്നത് കണ്ട ലോക്കോ പെെലറ്റ് ട്രെയിൻ നിർത്തിയതിനാൽ വൻ ദുരന്തം ഒഴിവായി. ശേഷം പോലീസ് ഉദ്യോഗസ്ഥരും റെയിൽവേ ഉദ്യോഗസ്ഥരും സ്ഥലത്ത് എത്തിയാണ് ഥാർ ട്രാക്കിൽ നിന്ന് പുറത്തെടുത്തത്. സംഭവത്തിന്റെ വീഡിയോ സോഷ്യൽ മീഡിയയിൽ ഇപ്പോൾ വെെറലാകുന്നുണ്ട്. വാഹനം റെയിൽവേ ട്രാക്കിൽ നിന്ന് നീക്കാൻ ശ്രമിക്കുന്ന പോലീസ് ഉദ്യോഗസ്ഥരെയും വീഡിയോയിൽ ദൃശ്യമാകുന്നുണ്ട്.

ശേഷം ഥാർ പുറത്തെടുത്തതിന് പിന്നാലെ പ്രതി അതുമായി കടക്കാൻ ശ്രമിച്ചു. ഇതിനിടെ മൂന്ന് പേരെ പ്രതി മർദിക്കുകയും ചെയ്തു. തുടർന്ന് പോലീസ് സംഘം ഥാറിനെ പിന്തുടർന്നാണ് പ്രതിയെ അറസ്റ്റ് ചെയ്തത്. പ്രതിയുടെ കൂടുതൽ വിവരങ്ങൾ ലഭ്യമല്ല.