ആരാധകരെ ശാന്തരാകുവിൻ..! ഫുട്ബോൾ ഇതിഹാസ നായകൻ മെസ്സിക്കൊപ്പം വേദി പങ്കിട്ട് രാഹുൽ ഗാന്ധി; സോഷ്യൽ മീഡിയയിൽ ചർച്ചയായി ചിത്രങ്ങളും വീഡിയോകളും
തെലങ്കാന: അർജന്റീനൻ ഫുട്ബോൾ ഇതിഹാസം ലയണൽ മെസ്സിയുടെ 'GOAT ഇന്ത്യാ ടൂറി'ന്റെ ഭാഗമായി ഹൈദരാബാദിൽ വെച്ച് കോൺഗ്രസ് നേതാവും ലോക്സഭാ പ്രതിപക്ഷ നേതാവുമായ രാഹുൽ ഗാന്ധി അദ്ദേഹവുമായി കൂടിക്കാഴ്ച നടത്തി. രാജീവ് ഗാന്ധി ഇന്റർനാഷണൽ സ്റ്റേഡിയത്തിൽ നടന്ന ചടങ്ങിലാണ് ഇരുവരും കണ്ടുമുട്ടിയത്.
മെസ്സി തൻ്റെ രാജ്യമായ അർജന്റീനയുടെ പത്താം നമ്പർ ജേഴ്സിയിൽ ഒപ്പിട്ട് രാഹുൽ ഗാന്ധിക്ക് സമ്മാനിച്ചു. കൂടിക്കാഴ്ചയുടെ സന്തോഷം രാഹുൽ ഗാന്ധി സോഷ്യൽ മീഡിയയിൽ പങ്കുവെക്കുകയും ചെയ്തു.
തെലങ്കാന മുഖ്യമന്ത്രി എ. രേവന്ത് റെഡ്ഡിയും ചടങ്ങിൽ പങ്കെടുത്തിരുന്നു. മെസ്സിയും സംഘവും റെഡ്ഡിക്കൊപ്പം കളിക്കളത്തിൽ കാഷ്വലായി പന്തെറിഞ്ഞും കളിച്ചും സമയം ചെലവഴിച്ചു.
നേരത്തെ, GOAT ടൂറിൻ്റെ ആദ്യ വേദിയായ കൊൽക്കത്തയിൽ ആരാധകരുടെ പ്രതിഷേധത്തെത്തുടർന്ന് ചടങ്ങ് താറുമാറായിരുന്നു. എന്നാൽ ഹൈദരാബാദിലെ പരിപാടി വിജയകരമായിരുന്നു. ആരാധകരുടെ സ്നേഹത്തിന് മെസ്സി നന്ദി പറയുകയും ചെയ്തു.
