മൂക്കിലും മുഖത്തും ഇടികൊണ്ട പാടുകൾ; റെയിൽവേ ട്രാക്കിന് സമീപം യുവതിയുടെ മൃതദേഹം കണ്ടെത്തിയതിൽ വൻ ദുരൂഹത; പോലീസ് അന്വേഷണത്തിൽ ട്വിസ്റ്റ്

പൂനെ: മഹാരാഷ്ട്രയിലെ പൂനെയിൽ ചെറിയൊരു തർക്കത്തിന് പിന്നാലെ യുവതിയെ സഹപ്രവർത്തകൻ കൊലപ്പെടുത്തിയ ശേഷം സ്വയം ജീവനൊടുക്കി. പൂനെയിലെ റൂബി ഹാൾ ക്ലിനിക്കിലെ ജീവനക്കാരാണ് മരിച്ചതെന്നു പോലീസ് സ്ഥിരീകരിച്ചു.

മരിച്ചവർ, മഹാരാഷ്ട്രയിലെ ബീഡ് സ്വദേശിനിയും നഴ്സുമായ ദിവ്യ നിഗോട്ട് (20), ടെക്നീഷ്യനായ ഗണേഷ് കാലെ (21) എന്നിവരാണ്. ഇരുവരും റൂബി ഹാൾ ക്ലിനിക്കിൽ ഒരുമിച്ചു ജോലി ചെയ്യുകയായിരുന്നു.

ദിവ്യ നിഗോട്ടിനെ കാണാനില്ലെന്ന് കാണിച്ച് കുടുംബം പോലീസിന് പരാതി നൽകിയിരുന്നു. തുടർന്ന് നടത്തിയ അന്വേഷണത്തിൽ, ഗണേഷ് കാലെയുടെ സംഗംവാഡിയിലുള്ള വീട്ടിൽ വെച്ച് ദിവ്യയുടെ മൃതദേഹം കണ്ടെത്തുകയായിരുന്നു. ദിവ്യയുടെ മൂക്കിലും മുഖത്തും ആക്രമണമേറ്റതിൻ്റെ പാടുകൾ ഉണ്ടെന്ന് പോലീസ് അറിയിച്ചു.

ദിവ്യയുടെ കൊലപാതകത്തിന് പിന്നാലെ, പ്രതിയായ ഗണേഷ് കാലെയുടെ മൃതദേഹം തലേഗാവ് റെയിൽവേ ട്രാക്കിന് സമീപത്ത് നിന്നും കണ്ടെത്തുകയായിരുന്നു. ചെറിയൊരു തർക്കമാണ് കൊലപാതകത്തിലേക്ക് നയിച്ചതെന്നാണ് പ്രാഥമിക നിഗമനം. മൃതദേഹങ്ങൾ പോസ്റ്റ്‌മോർട്ടത്തിനായി അയച്ചിട്ടുണ്ട്.