എന്‍ഡിഎയില്‍ ഭിന്നസ്വരം ഉയര്‍ത്തി വീണ്ടും ജെഡിയു; ഇസ്രയേലിന് ആയുധം നല്‍കരുതെന്ന പ്രതിപക്ഷ എംപിമാരുടെ സംയുക്ത പ്രസ്താവനയില്‍ ഒപ്പുവച്ചു
പട്‌ന: ഇന്ത്യ ഇസ്രയേലിന് ആയുധം നല്‍കുന്നതു നിര്‍ത്തണമെന്ന ആവശ്യത്തില്‍ പ്രതിപക്ഷ കക്ഷി നേതാക്കള്‍ക്കൊപ്പം ചേര്‍ന്നു എന്‍ഡിഎ ഘടക കക്ഷിയായ ജനതാദള്‍ (യു). ഇക്കാര്യമുന്നയിച്ചു പ്രതിപക്ഷ എംപിമാരുടെ സംയുക്ത പ്രസ്താവനയില്‍ ജെഡിയു ജനറല്‍ സെക്രട്ടറി കെ.സി.ത്യാഗി ഒപ്പുവച്ചു. പലസ്തീന്‍ ജനതയെ വംശഹത്യ നടത്തുന്ന ഇസ്രയേല്‍ നടപടിയെ സംയുക്ത പ്രസ്താവനയില്‍ അപലപിച്ചിട്ടുണ്ട്. ജാവേദ് അലിഖാന്‍ എംപി (സമാജ്വാദി പാര്‍ട്ടി), സഞ്ജയ് സിങ് എംപി, പങ്കജ് പുഷ്‌കര്‍ എംഎല്‍എ (ആം ആദ്മി പാര്‍ട്ടി), ഡാനിഷ് അലി, മീം അഫ്‌സല്‍ (കോണ്‍ഗ്രസ്) തുടങ്ങിയവരാണ് […]
പട്‌ന: ഇന്ത്യ ഇസ്രയേലിന് ആയുധം നല്‍കുന്നതു നിര്‍ത്തണമെന്ന ആവശ്യത്തില്‍ പ്രതിപക്ഷ കക്ഷി നേതാക്കള്‍ക്കൊപ്പം ചേര്‍ന്നു എന്‍ഡിഎ ഘടക കക്ഷിയായ ജനതാദള്‍ (യു). ഇക്കാര്യമുന്നയിച്ചു പ്രതിപക്ഷ എംപിമാരുടെ സംയുക്ത പ്രസ്താവനയില്‍ ജെഡിയു ജനറല്‍ സെക്രട്ടറി കെ.സി.ത്യാഗി ഒപ്പുവച്ചു.
പലസ്തീന്‍ ജനതയെ വംശഹത്യ നടത്തുന്ന ഇസ്രയേല്‍ നടപടിയെ സംയുക്ത പ്രസ്താവനയില്‍ അപലപിച്ചിട്ടുണ്ട്. ജാവേദ് അലിഖാന്‍ എംപി (സമാജ്വാദി പാര്‍ട്ടി), സഞ്ജയ് സിങ് എംപി, പങ്കജ് പുഷ്‌കര്‍ എംഎല്‍എ (ആം ആദ്മി പാര്‍ട്ടി), ഡാനിഷ് അലി, മീം അഫ്‌സല്‍ (കോണ്‍ഗ്രസ്) തുടങ്ങിയവരാണ് സംയുക്ത പ്രസ്താവനയില്‍ ഒപ്പുവച്ച മറ്റു നേതാക്കള്‍.
എന്‍ഡിഎ സഖ്യകക്ഷിയാണെങ്കിലും സ്വതന്ത്ര നിലപാടുകള്‍ സ്വീകരിക്കാന്‍ മടിക്കില്ലെന്ന സന്ദേശമാണ് ബിജെപിക്ക് മുന്നിലേക്ക് ജെഡിയു നല്‍കുന്നത്. വഖഫ് നിയമ ഭേദഗതി വിഷയത്തിലും ജെഡിയു നേരത്തെ ഭിന്നാഭിപ്രായം പ്രകടിപ്പിച്ചിരുന്നു.
