കീഴ് ക്കോടതികള്‍ എന്ന നിലയില്‍ കാണരുത്; നീതിന്യായ വ്യവസ്ഥയുടെ നട്ടെല്ല്; പേടിയോ പക്ഷപാതമോ ഇല്ലാതെ കോടതികള്‍ നീതി നടപ്പാക്കണമെന്ന് കപില്‍ സിബല്‍
ന്യൂഡല്‍ഹി: പേടിയോ പക്ഷപാതമോ ഇല്ലാതെ നീതി നടപ്പാക്കുന്ന ഇടമായി കോടതികള്‍ മാറണമെന്നു സുപ്രീംകോടതി ബാര്‍ അസോസിയേഷന്‍ പ്രസിഡന്റും മുതിര്‍ന്ന അഭിഭാഷകനുമായ കപില്‍ സിബല്‍. വിചാരണ കോടതി, ജില്ലാ കോടതി, സെഷന്‍സ് കോടതി എന്നിവയെ ശക്തിപ്പെടുത്തണം. പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത ദ്വിദിന ജില്ലാ ജുഡീഷ്യറി ദേശീയ സമ്മേളനത്തില്‍ സംസാരിക്കുകയായിരുന്നു അദ്ദേഹം. "കീഴ്ക്കോടതികള്‍ എന്ന നിലയില്‍ ഈ കോടതികളെ കാണരുത്. നീതിന്യായ വ്യവസ്ഥയുടെ നട്ടെല്ലാണ് ഇവ. എന്റെ അഭിഭാഷക ജീവിതത്തില്‍ ഇത്തരം കോടതികള്‍ ജാമ്യം നല്‍കുന്നതു വളരെ […]
ന്യൂഡല്‍ഹി: പേടിയോ പക്ഷപാതമോ ഇല്ലാതെ നീതി നടപ്പാക്കുന്ന ഇടമായി കോടതികള്‍ മാറണമെന്നു സുപ്രീംകോടതി ബാര്‍ അസോസിയേഷന്‍ പ്രസിഡന്റും മുതിര്‍ന്ന അഭിഭാഷകനുമായ കപില്‍ സിബല്‍. വിചാരണ കോടതി, ജില്ലാ കോടതി, സെഷന്‍സ് കോടതി എന്നിവയെ ശക്തിപ്പെടുത്തണം. പ്രധാനമന്ത്രി നരേന്ദ്ര മോദി ഉദ്ഘാടനം ചെയ്ത ദ്വിദിന ജില്ലാ ജുഡീഷ്യറി ദേശീയ സമ്മേളനത്തില്‍ സംസാരിക്കുകയായിരുന്നു അദ്ദേഹം.
"കീഴ്ക്കോടതികള്‍ എന്ന നിലയില്‍ ഈ കോടതികളെ കാണരുത്. നീതിന്യായ വ്യവസ്ഥയുടെ നട്ടെല്ലാണ് ഇവ. എന്റെ അഭിഭാഷക ജീവിതത്തില്‍ ഇത്തരം കോടതികള്‍ ജാമ്യം നല്‍കുന്നതു വളരെ കുറച്ചേ കണ്ടിട്ടുള്ളൂ. എന്റെ മാത്രം അനുഭവമല്ല ഇത്. സുപ്രീം കോടതി ചീഫ് ജസ്റ്റിസും ഇക്കാര്യം പറഞ്ഞിട്ടുണ്ട്. മേല്‍ക്കോടതികളാണ് ഇതിന്റെ ഭാരം അനുഭവിക്കുന്നത്. ജനാധിപത്യത്തെ മുന്നോട്ടു നയിക്കുന്നതു സ്വാതന്ത്ര്യമാണ്. സ്വാതന്ത്ര്യത്തെ ഞെക്കിക്കൊല്ലാനുള്ള ഏതുശ്രമവും നമ്മുടെ ജനാധിപത്യത്തിന്റെ ഗുണമേന്മയെ ബാധിക്കും." കപില്‍ സിബല്‍ പറഞ്ഞു.
പ്രധാനമന്ത്രി, ചീഫ് ജസ്റ്റിസ് ഡി.വൈ.ചന്ദ്രചൂഡ് എന്നിവരുടെ സാന്നിധ്യത്തിലായിരുന്നു കപില്‍ സിബലിന്റെ വിമര്‍ശനം. ബ്രിട്ടിഷ് കാലത്തെ കൊളോണിയല്‍ രീതി അവസാനിപ്പിക്കണമെന്നു ചീഫ് ജസ്റ്റിസ് ഡി.വൈ.ചന്ദ്രചൂഡ് പറഞ്ഞു. ജില്ലാ കോടതികളെ കീഴ്‌ക്കോടതിയായി കണക്കാക്കരുതെന്നും അദ്ദേഹം വ്യക്തമാക്കി. സുപ്രീംകോടതി സംഘടിപ്പിക്കുന്ന ദേശീയ സമ്മേളനത്തില്‍, സുപ്രീംകോടതി സ്ഥാപിക്കപ്പെട്ടതിന്റെ 75ാം വാര്‍ഷികത്തിന്റെ ഓര്‍മയ്ക്കു പ്രത്യേക നാണയം പ്രധാനമന്ത്രി പുറത്തിറക്കി. സമാപന സമ്മേളനം ഞായറാഴ്ച രാഷ്ട്രപതി ദ്രൗപദി മുര്‍മു ഉദ്ഘാടനം ചെയ്യും.
