എംഡിഎംഎയുമായി ഡാന്‍സാഫ് സംഘം പൊക്കിയപ്പോള്‍ ഡിവൈഎഫ്ഐ നേതാവ് എന്ന് പറഞ്ഞ് ഭീഷണി; കാറില്‍ എത്തിയ യുവാവിന്റെ സുഹൃത്തുകള്‍ പതിനെട്ട് ഗ്രാം എംഡിഎംഎ റോഡിലേക്കെറിഞ്ഞ് രക്ഷപ്പെടല്‍; പിന്തുടര്‍ന്ന് പിടികൂടി ഡാന്‍സാഫ് സംഘം
കൊട്ടാരക്കര: ഡാന്‍സാഫ് സംഘവും പോലീസും ചേര്‍ന്നുള്ള സംയുക്ത പരിശോധനയില്‍ രാസലഹരിയായ എംഡിഎംഎയുമായി ഡിവൈഎഫ്ഐ നേതാവായ യുവാവിനെ അറസ്റ്റ് ചെയ്തു. പുനലൂര്‍ വെഞ്ചേമ്പ് സ്വദേശി മുഹ്സിനാ (20) ആണ് കസ്റ്റഡിയിലായത്. ഇയാള്‍ ഡിവൈഎഫ്ഐ കരവാളൂര്‍ വെസ്റ്റ് മേഖലാ കമ്മിറ്റി അംഗമാണെന്നും പോലീസ് അറിയിച്ചു.
മുഹ്സിനായില്‍ നിന്നു രണ്ടുഗ്രാം എംഡിഎംഎ പിടിച്ചെടുക്കുകയായിരുന്നു. കൂടാതെ, ഇയാളുടെ സുഹൃത്തുക്കള്‍ കാറില്‍ പിന്നാലെ എത്തുകയും സ്ഥലത്ത് നിന്ന് രക്ഷപ്പെടാന്‍ പതിനെട്ട് ഗ്രാം എംഡിഎംഎ റോഡിലേക്കെറിയുകയും ചെയ്തു. തലച്ചിറ ജങ്ഷനില്‍ ചൊവ്വാഴ്ച രാത്രി നടന്ന സംഘട്ടനത്തില്‍ ഡാന്‍സാഫ് സംഘം മുഷ്സിനയെ പിടികൂടിയതോടെയാണ് ഈ രംഗം അരങ്ങേറിയത്.
സംഭവസ്ഥലത്തുനിന്ന് പോലീസ് സംഘം മൂന്നംഗ സംഘത്തെ പിന്തുടര്‍ന്നെങ്കിലും അല്‍പസമയംക്കുള്ളില്‍ സംഘം രക്ഷപ്പെടുകയായിരുന്നു. പിന്നീട് ആലഞ്ചേരി സമീപത്ത് ഉപേക്ഷിച്ച നിലയില്‍ സംഘത്തിന്റെ കാര്‍ കണ്ടെത്തി. കാറും മുഹ്സിന്റെ ബൈക്കും പോലീസിന്റെ കസ്റ്റഡിയിലാണ്. വാഹനത്തില്‍ നിന്നും സംഘം ഉപയോഗിച്ച മൂന്ന് മൊബൈലുകള്‍ പോലീസ് പിടിച്ചെടുത്തു.
രക്ഷപ്പെടാന്‍ ശ്രമിച്ച മുഹ്സിനെ ബലപ്രയോഗത്തിലൂടെയാണ് പോലീസ് പിടികൂടിയത്. ഇയാള്‍ തന്റെ രാഷ്ട്രീയ ബന്ധം മുമ്പിലെത്തി പോലീസിനെ ഭീഷണിപ്പെടുത്താന്‍ ശ്രമിച്ചുവെന്നും അന്വേഷണ സംഘം അറിയിച്ചു. ബെംഗളൂരുവില്‍ നിന്നു വിലക്കുറവില്‍ വാങ്ങിയ എംഡിഎംഎ നാട്ടിലെ വിദ്യാര്‍ത്ഥികള്‍ അടങ്ങുന്ന സമൂഹങ്ങളില്‍ വിതരണം ചെയ്യുകയായിരുന്നുവെന്നാണ് പോലീസിന്റെ പ്രാഥമിക നിഗമനം. സ്‌കൂളുകളും കോളേജുകളും കേന്ദ്രീകരിച്ചുള്ള ലഹരിവ്യാപാരത്തിന്റെ ഭാഗമായാണ് സംഘം പ്രവര്‍ത്തിച്ചിരുന്നത്.
പ്രതിയെ പിടികൂടിയ സംഘത്തില്‍ ഡാന്‍സാഫ് എസ്ഐ കെ.എസ്. ദീപു, പോലീസ് ഉദ്യോഗസ്ഥര്‍ സജുമോന്‍, അഭിലാഷ്, ദിലീപ്, വിപിന്‍ ക്‌ളീറ്റസ്, കൊട്ടാരക്കര എസ്ഐ അഭിലാഷ്, ജിഎസ്ഐ രാജന്‍, അബിസലാം, കിരണ്‍, ഗണേഷ് എന്നിവരും ഉള്‍പ്പെടുന്നു. സംഭവവുമായി ബന്ധപ്പെട്ട് കൂടുതല്‍ പരിശോധനകള്‍ നടന്നുകൊണ്ടിരിക്കുന്നു. രക്ഷപ്പെട്ട സംഘത്തെ കുറിച്ചുള്ള വിവരങ്ങള്‍ പോലീസ് ശേഖരിച്ചുവരികയാണ്.
