അമ്മയോട് വഴക്കിട്ടാണ് അവൾ വീട്ടിൽ നിന്ന് ഇറങ്ങിയത്; പിന്നീട് പുലർച്ചെ വിളിച്ചപ്പോൾ എല്ലാം കഴിഞ്ഞിരുന്നു; നിയന്ത്രണമില്ലാതെ പൊട്ടിക്കരഞ്ഞു..!! ഓടുന്ന വണ്ടിയിൽ വച്ച് യുവതിയെ പിച്ചിച്ചീന്തിയ ആ കഴുകന്മാർ; അതിജീവിത നേരിട്ടത് സമാനതകളില്ലാത്ത ക്രൂരത; ഫരീദാബാദിനെ നടുക്കിയ ബലാത്സംഗ കേസിൽ കൂടുതൽ വിവരങ്ങൾ പുറത്തുവരുമ്പോൾ
ഫരീദാബാദ്: ഹരിയാനയിലെ ഫരീദാബാദിൽ യുവതി ക്രൂരമായ ലൈംഗിക പീഡനത്തിനിരയായ സംഭവത്തിൽ കൂടുതൽ വേദനിപ്പിക്കുന്ന വിവരങ്ങൾ പുറത്ത്. ആക്രമണത്തിന് ഇരയായ യുവതിയുടെ സഹോദരിയാണ് സംഭവസമയത്തെയും അതിന് ശേഷമുള്ളതുമായ കാര്യങ്ങളെക്കുറിച്ച് മാധ്യമങ്ങളോട് പ്രതികരിച്ചത്. അതിക്രമം നടന്ന സമയത്ത് തന്റെ സഹോദരി അങ്ങേയറ്റം ഭയചകിതയും മാനസികമായി തകർന്ന നിലയിലുമായിരുന്നുവെന്ന് അവർ വെളിപ്പെടുത്തി.
രാത്രി 8.30 ഓടെയാണ് യുവതി വീട്ടില് നിന്നും പോയതെന്ന് സഹോദരി പറഞ്ഞു. ആക്രമിക്കപ്പെട്ട ദിവസം വൈകിട്ടായിരുന്നു യുവതിയുമായി അവസാനമായി സംസാരിച്ചിരുന്നത്. അടുത്ത ഫോണ് കോള് വരുന്നത് ഏഴ് മണിക്കൂറിനു ശേഷം പുലര്ച്ചെ 3.30 ഓടെയാണ്. ഇതിനിടയിലാണ് ഓടിക്കൊണ്ടിരുന്ന വാഹനത്തിനുള്ളില് രണ്ട് മണിക്കൂറോളം യുവതി ക്രൂരമായ ബലാത്സംഗത്തിന് ഇരയായത്. ആക്രമിച്ചതിനു ശേഷം യുവതിയെ അക്രമികള് റോഡില് വലിച്ചെറിയുകയായിരുന്നു.
റോഡരികില് രക്തം വാര്ന്ന് കിടക്കുന്നത് കണ്ട് സമീപത്തു കൂടി പോയവരാണ് യുവതിയെ ആശുപത്രിയില് എത്തിച്ചത്. യുവതിയുടെ ആരോഗ്യനില മെച്ചപ്പെട്ടു വരുന്നതായി ഡോക്ടര്മാര് അറിയിച്ചു. യുവതിയുടെ മൊഴിയും പൊലീസ് രേഖപ്പെടുത്തി.
വൈകിട്ടോടെയാണ് യുവതി അവസാനമായി വിളിച്ചതെന്ന് സഹോദരി പൊലീസിനോട് പറഞ്ഞു. വീഡിയോ കോളില് സംസാരിച്ചപ്പോള് യുവതി അസ്വസ്ഥയായിരുന്നുവെന്നും സഹോദരി പറഞ്ഞു. അമ്മയുമായി വഴക്കുണ്ടായതിനെ കുറിച്ചാണ് യുവതി പറഞ്ഞത്. കുറച്ചു ദിവസങ്ങളായി അമ്മയുമായി വഴക്കുണ്ടായിരുന്നു. ഇതുകാരണം സഹോദരി അസ്വസ്ഥയായിരുന്നു. ഇതാണ് ഫോണിലൂടേയും പറഞ്ഞത്. സംഭവ ദിവസവും അമ്മയുമായി വഴക്കുണ്ടായി, വിഷമിച്ചാണ് തന്നെ വിളിച്ചത്. സുഹൃത്തിന്റെ വീട്ടിലേക്ക് പോകുകയാണെന്നും അല്പം കഴിഞ്ഞ് വരാമെന്നുമാണ് പറഞ്ഞത്.
'പിന്നീട് സഹോദരിയുടെ ഫോണ് കോള് വരുന്നത് പുലര്ച്ചെ 3.30 നായിരുന്നു. ആ സമയത്തിനുള്ളില് എല്ലാം സംഭവിച്ചു കഴിഞ്ഞിരുന്നു. ആദ്യം വിളിച്ചപ്പോള് അവള് ഒന്നും സംസാരിച്ചില്ല. കട്ട് ചെയ്ത് വീണ്ടും വിളിച്ചു, അപ്പോഴും നിശബ്ദതയായിരുന്നു. പിന്നെ കരയാന് തുടങ്ങി.
ആശുപത്രിയിലെത്തി അവളെ കാണുമ്പോള് ഗുരുതരാവസ്ഥയിലായിരുന്നു. മുഖം പൊട്ടിയിരുന്നു. ആദ്യം പ്രവേശിപ്പിച്ച ആശുപത്രിയില് നിന്നും ഡല്ഹിയിലേക്ക് റഫര് ചെയ്തു. ഈ സമയം മുഴുവന് അവള് അബോധാവസ്ഥയിലായിരുന്നു'- സഹോദരിയുടെ വാക്കുകള്.
ഫരീദാബാദില് സുഹൃത്തിന്റെ വീട്ടില് നിന്നും മടങ്ങുകയായിരുന്ന ഇരുപത്തിയഞ്ചുകാരിയാണ് കൂട്ടബലാത്സംഗത്തിന് ഇരയായത്. വീട്ടിലേക്ക് മടങ്ങാന് വാഹനം കാത്തിരുന്ന യുവതിക്കരികിലേക്ക് മാരുതി സുസൂക്കി എക്കോ വാനില് രണ്ട് പേര് എത്തി, ലിഫ്റ്റ് വാഗ്ദാനം ചെയ്തു.
പരാതി ലഭിച്ച ഉടൻ തന്നെ ഫരീദാബാദ് പോലീസ് കേസെടുത്ത് അന്വേഷണം ആരംഭിച്ചു. യുവതിയെ വൈദ്യപരിശോധനയ്ക്ക് വിധേയയാക്കി. ഐപിസിയിലെ വിവിധ വകുപ്പുകൾ പ്രകാരം ബലാത്സംഗം, ഭീഷണിപ്പെടുത്തൽ തുടങ്ങിയ കുറ്റങ്ങൾ ചുമത്തിയാണ് കേസെടുത്തിരിക്കുന്നത്. പ്രതികളെ തിരിച്ചറിയുന്നതിനായി പ്രദേശത്തെ സിസിടിവി ദൃശ്യങ്ങൾ പോലീസ് പരിശോധിച്ചു വരികയാണ്. പ്രതികളെ ഉടൻ പിടികൂടുമെന്ന് പോലീസ് ഉറപ്പുനൽകിയെങ്കിലും കൃത്യമായ സൂചനകൾ ഇനിയും ലഭിക്കേണ്ടതുണ്ട്.
രണ്ട് പേരെയും പിന്നീട് പൊലീസ് കസ്റ്റഡിയിലെടുത്ത് അറസ്റ്റ് രേഖപ്പെടുത്തി. വാഹനവും കസ്റ്റഡിയിലെടുത്തിട്ടുണ്ട്. ഫരീദാബാദിലെ സ്ത്രീ സുരക്ഷയെക്കുറിച്ച് വൻ പ്രതിഷേധമാണ് ഈ സംഭവത്തോടെ ഉയർന്നിരിക്കുന്നത്. നഗരത്തിൽ സ്ത്രീകൾക്ക് പുറത്തിറങ്ങാൻ കഴിയാത്ത അവസ്ഥയാണെന്നും പോലീസിന്റെ ഭാഗത്തുനിന്ന് കൃത്യമായ പട്രോളിംഗ് ഉണ്ടാകുന്നില്ലെന്നും നാട്ടുകാർ ആരോപിക്കുന്നു.
