എന്താണ് നടന്നതെന്ന് ശരിയായി..അറിയില്ല; പക്ഷെ എല്ലാം മനസിലാകുന്നതിന് മുമ്പ് തന്നെ ആ കാർ കത്തിച്ചാമ്പലായി; തീആളിക്കത്തിയതും പ്രദേശത്തെ നടുക്കി നിലവിളി ഉയർന്നു; കുഞ്ഞുമക്കള് വിലക്കിയിട്ടും അതിനൊന്നും ചെവിക്കൊടുക്കാതെ സ്വന്തം ദേഹത്ത് പെട്രോള് ഒഴിച്ച് വെന്ത് വെണ്ണീറായി പിതാവിന്റെ മരണം; മാനന്തവാടിയെ ഞെട്ടിച്ച് സജീറിന്റെ ജീവനൊടുക്കൽ
മാനന്തവാടി: കഴിഞ്ഞ ദിവസം മാനന്തവാടിയിൽ കാറിനുള്ളിൽ സ്വയം തീകൊളുത്തി വ്യാപാരി മരിച്ചത് വലിയ നടുക്കത്തോടെയാണ് കേട്ടത്. കണ്ണൂർ ഇരിട്ടി സ്വദേശിയും കർണാടകയിലെ കുട്ടയിൽ വ്യാപാരിയുമായിരുന്ന സജീർ (44) ആണ് മാനന്തവാടി എരുമത്തെരുവിലെ ഒരു വീടിന് സമീപംവെച്ച് ജീവനൊടുക്കിയത്. കാറിൽ ഒപ്പമുണ്ടായിരുന്ന ഭാര്യ നജ്മുന്നിസയെയും മൂന്ന് മക്കളെയും നാട്ടുകാരുടെ സമയോചിതമായ ഇടപെടലിലൂടെ രക്ഷപ്പെടുത്താനായി.
സജീർ ദേഹത്ത് പെട്രോൾ ഒഴിച്ച് തീ കൊളുത്തുകയായിരുന്നുവെന്ന് രക്ഷാപ്രവർത്തനത്തിനെത്തിയവർ പറഞ്ഞു. തീ ആളിപ്പടർന്നപ്പോൾ വാഹനത്തിനുള്ളിൽ നിന്ന് നിലവിളി ഉയരുകയും കുട്ടികൾ പിതാവിനെ ഈ കൃത്യത്തിൽ നിന്ന് പിന്തിരിപ്പിക്കാൻ ശ്രമിക്കുകയും ചെയ്തെങ്കിലും അദ്ദേഹം അതിന് ചെവികൊടുത്തില്ല.
തീപടരുന്നത് കണ്ട് തൊട്ടടുത്ത സിനിമ തിയേറ്ററിലുണ്ടായിരുന്നവർ അടക്കം ഓടിയെത്തിയാണ് രക്ഷാപ്രവർത്തനത്തിൽ ഏർപ്പെട്ടത്. കാറിന്റെ വിവിധ ഭാഗങ്ങളും ഗ്ലാസുകളും പൊട്ടിത്തെറിക്കുന്ന ശബ്ദം കേട്ടാണ് ഇവർ ഓടിയെത്തിയത്. മനസാന്നിധ്യത്തോടെയുള്ള നാട്ടുകാരുടെ ഇടപെടലാണ് നാല് ജീവനുകൾ രക്ഷിക്കാൻ കാരണമായത്.
ഗുരുതരമായി പൊള്ളലേറ്റ നജ്മുന്നിസയെ ആദ്യം വയനാട് മെഡിക്കൽ കോളേജിൽ പ്രവേശിപ്പിച്ചെങ്കിലും പിന്നീട് കോഴിക്കോട് മെഡിക്കൽ കോളേജിലേക്ക് മാറ്റി. ഇവർക്ക് നാൽപ്പത് ശതമാനത്തിലേറെ പൊള്ളലേറ്റിട്ടുണ്ട്. മൂന്ന് കുട്ടികൾക്ക് സാരമായ പരിക്കുകളില്ല. സംഭവമറിഞ്ഞ് സ്ഥലത്തെത്തിയ ഫയർഫോഴ്സ് സേനാംഗങ്ങൾ തീ പൂർണ്ണമായും അണച്ചു. ആംബുലൻസുകൾ എത്തിച്ചാണ് പൊള്ളലേറ്റവരെ ആശുപത്രിയിലെത്തിച്ചത്. പോലീസും നാട്ടുകാരും ചേർന്ന് കത്തിയ കാർ പൊതുവഴിയിൽ നിന്ന് വീടിന്റെ മുറ്റത്തേക്ക് മാറ്റി.
തന്റെ ദേഹത്ത് പെട്രോൾ ഒഴിച്ച് സജീർ തീ കൊളുത്തുകയായിരുന്നുവെന്ന് രക്ഷാപ്രവർത്തനത്തിന് നേതൃത്വം നൽകിയവർ പറഞ്ഞു. കാറിനുള്ളിൽ നിന്ന് തീ ആളിപ്പടർന്നപ്പോൾ വാഹനത്തിനകത്ത് വലിയ നിലവിളി ഉയർന്നു. പിതാവിനെ ഈ ക്രൂരകൃത്യത്തിൽ നിന്ന് പിന്തിരിപ്പിക്കാൻ മക്കൾ പരമാവധി ശ്രമിച്ചെങ്കിലും സജീർ പിന്മാറിയില്ല.
സമീപത്തെ സിനിമ തിയേറ്ററിലുണ്ടായിരുന്നവരും നാട്ടുകാരും കാറിന്റെ ഭാഗങ്ങൾ പൊട്ടിത്തെറിക്കുന്ന ശബ്ദം കേട്ടാണ് ഓടിയെത്തിയത്. തീ പടർന്ന കാറിന്റെ ഗ്ലാസുകൾ തകർത്ത് മനസാന്നിധ്യത്തോടെ നാട്ടുകാർ നടത്തിയ ഇടപെടലാണ് നാല് ജീവനുകൾ രക്ഷിക്കാൻ കാരണമായത്. കത്തിയ കാറിനുള്ളിൽ നിന്ന് നാലുപേരെയും പുറത്തെത്തിക്കുമ്പോഴേക്കും സജീർ മരണത്തിന് കീഴടങ്ങിയിരുന്നു.
അതേസമയം, കച്ചവടവുമായി ബന്ധപ്പെട്ട് രണ്ട് പേർ തന്നെ വഞ്ചിച്ചതായും ഇവരാണ് തന്റെയും കുടുംബത്തിന്റെയും മരണത്തിന് ഉത്തരവാദികളെന്നും ആരോപിച്ച് സജീർ നേരത്തെ തയ്യാറാക്കിയ ഒരു വീഡിയോ പുറത്തെത്തിയിട്ടുണ്ട്. വ്യാപാര ബന്ധങ്ങളുണ്ടായിരുന്ന ഒരു വ്യക്തിയുടെ വീടിന് സമീപം എത്തിയാണ് സജീർ ഈ കടുംകൈ ചെയ്തത്. സാമ്പത്തികപരമായ തർക്കങ്ങളാണ് ഈ ദാരുണമായ സംഭവത്തിന് പിന്നിലെന്ന് പ്രാഥമിക നിഗമനം. സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്.
