തിരുവനന്തപുരം വിമാനത്താവളത്തില്‍ വന്‍ സ്വര്‍ണവേട്ട; ശരീരത്തിലും വസ്ത്രത്തിലും ഒളിപ്പുച്ചു; ക്യാപ്‌സൂള്‍ രൂപത്തില്‍ കടത്താന്‍ ശ്രമിച്ച സ്വര്‍ണം പിടികുടി; കസ്റ്റംസ് പിടിച്ചെടുത്തത് ഒരു കോടി രൂപയുടെ സ്വര്‍ണം; രണ്ട് യാത്രക്കാര്‍ പിടിയില്‍
തിരുവനന്തപുരം: തിരുവനന്തപുരം വിമാനത്താവളത്തില്‍ യാത്രക്കാരില്‍ നിന്ന് സ്വര്‍ണം പിടിച്ചെടുത്തു. വിമാനത്താവളത്തില്‍ എത്തിയ രണ്ട് യാത്രക്കാരില്‍ നിന്ന് ഒരു കോടി 22 ലക്ഷം രൂപയുടെ സ്വര്‍ണമാണ് പിടിച്ചെടുത്തത്. കസ്റ്റംസിന്റെ എയര്‍ ഇന്റലിജന്‍സ് വിഭാഗമാണ് പിടികൂടിയത്. നാല് സ്വര്‍ണ ക്യാപ്‌സൂളുകളിലായാണ് സ്വര്‍ണം പിടിച്ചെടുത്തത്. റിയാദില്‍ നിന്നെത്തിയ എയര്‍ ഇന്ത്യാ എക്‌സ്പ്രസ് വിമാനത്തിലെ യാത്രക്കാരാണ് പിടിയിലായത്.
ശരീരത്തിലും വസ്ത്രത്തിലും ഒളിപ്പിച്ചാണ് സ്വര്‍ണം കടത്താന്‍ ശ്രമിച്ചത്. 1063.37 ഗ്രാം തൂക്കം വരുന്നതും പൊടിയാക്കിയ സ്വര്‍ണത്തെ മറ്റുവസ്തുക്കളുമായി കൂട്ടിച്ചേര്‍ത്താണ് ഗുളികയുടെ ഉളളിലാക്കിയിരുന്നത്. ഇവയില്‍നിന്ന് 992.6 ഗ്രാം തൂക്കം വരുന്നതും 86.20 ലക്ഷം രൂപ വിലവരുന്നതുമായ സ്വര്‍ണമാണ് വേര്‍തിരിച്ചെടുത്തത്.
ബുധനാഴ്ച പുലര്‍ച്ചെ ദുബായില്‍ നിന്ന് തിരുവനന്തപുരത്തെത്തിയ എമിറേറ്റ്‌സ് വിമാനത്തിലെ യാത്രക്കാരനില്‍ നിന്ന് 407.13 ഗ്രാം തൂക്കമുളളതും 35.62 ലക്ഷം രൂപ വില വരുന്നതും നാല് സ്വര്‍ണ്ണ ബാറുകളും പിടിച്ചെടുത്തു. ഇയാള്‍ ധരിച്ചിരുന്ന ജീന്‍സ് പാന്റ്‌സില്‍ രഹസ്യമായി നിര്‍മ്മിച്ച അറയിലായിരുന്നു സ്വര്‍ണം ഒളിപ്പിച്ചിരുന്നത്. പിടികൂടിയവര്‍ക്കെതിരെ കസ്റ്റംസ് കേസെടുത്തു.
