ദാമ്പത്യ പ്രശ്‌നങ്ങളെ തുടര്‍ന്ന് ഭാര്യ അകന്ന് കഴിയുന്നു; പ്രശ്‌നം പരിഹരിക്കാനും ഒരുമിച്ച് ജീവിക്കണം എന്ന് പറയാനും 175 കിലോമീറ്റര്‍ യാത്ര ചെയ്ത് ഭര്‍ത്താവ്; ഭാര്യയെ നേരില്‍ കണ്ടപ്പോള്‍ കാര്യങ്ങള്‍ വഷളായി; കൈയിലുണ്ടായിരുന്ന കത്തിയെടുത്തി കുത്തി കൊല്ലാന്‍ ശ്രമം; ഓടി രക്ഷപ്പെടാന്‍ ശ്രമിച്ച് പ്രതിയെ നാട്ടുകാര്‍ ചേര്‍ന്ന് പോലീസില്‍ ഏല്‍പ്പിച്ചു
ഭുവനേശ്വര്‍: ദാമ്പത്യ പ്രശ്‌നങ്ങളെ തുടര്‍ന്ന് അകന്നു കഴിയുന്ന ഭാര്യയെ കാണാന്‍ 175 കിലോമീറ്റര്‍ യാത്ര ചെയ്‌തെത്തിയ ഭര്‍ത്താവ്, ഒടുവില്‍ അവരെ കഴുത്തറുത്ത് കൊലപ്പെടുത്താന്‍ ശ്രമിച്ച സംഭവത്തില്‍ ഒഡീഷയിലെ ബാലാസോര്‍ ഗ്രാമം ഞെട്ടലിലാണ്. കട്ടക് സ്വദേശി ഷെയ്ഖ് അംജദ് (വയസ്സ് വ്യക്തമല്ല) ആണ് ഭാര്യയെ ആക്രമിച്ച് ഗുരുതരാവസ്ഥയിലെത്തിച്ചത്. ദാമ്പത്യ ജീവിതത്തില്‍ ഉണ്ടായ അഭിപ്രായ വ്യത്യാസങ്ങളെ തുടര്‍ന്ന് ഇരുവരും വേര്‍പിരിഞ്ഞ് താമസിക്കുകയായിരുന്നു. ബന്ധം പുനസ്ഥാപിക്കണം, ഒരുമിച്ച് ജീവിക്കണം എന്ന അഭ്യര്‍ത്ഥനയുമായി അംജദ് ബാലാസോറിലേക്ക് എത്തിയതായിരുന്നു. എന്നാല്‍ ഭാര്യയെ നേരില്‍ കണ്ടപ്പോള്‍ കാര്യങ്ങള്‍ വഷളായി. വാക്കുതര്‍ക്കത്തിനിടെ ഇയാള്‍ പെട്ടെന്ന് കൈയിലെടുത്ത കത്തി ഉപയോഗിച്ച് ഭാര്യയെ കഴുത്തറുത്ത് ആക്രമിക്കുകയായിരുന്നു.
ബാലാസോറിലെ നഗരമധ്യത്തില്‍ വെച്ച് നടന്ന ആക്രമണത്തില്‍ പ്രദേശവാസികള്‍ ഞെട്ടിയിരിക്കുകയാണ്. കുത്തേറ്റ അവസ്ഥയില്‍ നിലത്തു വീണ യുവതിയെ നാട്ടുകാര്‍ രക്ഷപ്പെടുത്തി ഉടന്‍ തന്നെ ആശുപത്രിയിലെത്തിച്ചു. യുവതിയുടെ കഴുത്തില്‍ ഗുരുതരമായ പരുക്കുകളുണ്ടായതായി ഡോക്ടര്‍മാര്‍ വ്യക്തമാക്കി. നിലവില്‍ തീവ്രപരിചരണ വിഭാഗത്തിലാണ് ചികിത്സയിലുള്ളത്. ആരോഗ്യ നില വഷളാണെന്നും ജീവന്‍ തിരിച്ചുകിട്ടുമോ എന്ന കാര്യത്തില്‍ സംശയമാണെന്നും ആശുപത്രി അധികൃതര്‍ അറിയിച്ചു. ആക്രമണത്തിനുശേഷം സ്ഥലത്ത് നിന്ന് ഓടിരക്ഷപ്പെടാന്‍ ശ്രമിച്ച അംജദിനെ നാട്ടുകാര്‍ ചേര്‍ന്ന് പിന്തുടര്‍ന്ന് പിടികൂടുകയായിരുന്നു. തുടര്‍ന്ന് പ്രതിയെ പോലീസിന് കൈമാറി. പ്രതിക്കെതിരെ കൊലപാതകശ്രമക്കുറ്റം ഉള്‍പ്പെടെ കേസെടുത്തതായി പോലീസ് അറിയിച്ചു.
സാധാരണ തിരക്കേറിയ പ്രദേശത്ത് വെച്ച് നടന്ന സംഭവത്തില്‍ നാട്ടുകാര്‍ക്ക് വലിയ ഭീതിയാണ് അനുഭവപ്പെട്ടത്. 'ദാമ്പത്യ പ്രശ്‌നങ്ങള്‍ എന്തായാലും ഇത്തരത്തില്‍ ജീവനെ തന്നെ ആക്രമിക്കുന്നത് ക്ഷമിക്കാനാവാത്തതാണ്' എന്നാണ് സ്ഥലവാസികള്‍ പറയുന്നു. പോലീസ് പ്രതിയെ ചോദ്യം ചെയ്യുന്നതിനോടൊപ്പം യുവതിയുടെ മൊഴിയും രേഖപ്പെടുത്താന്‍ ശ്രമിക്കുകയാണ്. സംഭവത്തില്‍ വിശദമായ അന്വേഷണം ആരംഭിച്ചതായി പോലീസ് പറയുന്നു.
