അമ്മയോട് പിണങ്ങി വീട് വീട്ടിറങ്ങി; കോഴിക്കോട് ബീച്ചിലെത്തിയ 16-കാരിയെ താമസസൗകര്യവും ഭക്ഷണവും നല്കാമെന്നു പറഞ്ഞ് ഫ്ളാറ്റിലെത്തിച്ചു; മയക്കുമരുന്ന് നല്കിയ ശേഷം ക്രൂരപീഡനം; 4,000 രൂപ നല്കി ബീച്ചില് ഇറക്കിവിട്ടു; രണ്ട് യുവാക്കള് പിടിയില്
കോഴിക്കോട്: അമ്മയോട് പിണങ്ങി വീട് വിട്ടിറങ്ങിയ പ്രായപൂര്ത്തിയാകാത്ത പെണ്കുട്ടിയെ താമസസൗകര്യവും ഭക്ഷണവും നല്കാമെന്നുപറഞ്ഞ് ഫ്ളാറ്റിലേക്ക് കൂട്ടിക്കൊണ്ടുപോയ ശേഷം മയക്കുമരുന്ന് നല്കി ക്രൂരമായി പീഡിപ്പിച്ച പ്രതികള് പിടിയില്. കാസര്കോട് സ്വദേശികളായ ഷമീം, റായിസ് എന്നിവരാണ് പിടിയിലായത്. പെരിന്തല്മണ്ണ സ്വദേശിനിയായ പെണ്കുട്ടിയെയാണ് മയക്ക്മരുന്ന് നല്കി പീഡിപ്പിച്ചത്. ബീച്ചില് നിന്നും പെണ്കുട്ടിയെ താമസസൗകര്യവും ഭക്ഷണവും നല്കാമെന്ന് പറഞ്ഞ് ഫ്ലാറ്റിലേക്ക് കൂട്ടിക്കൊണ്ടുപോകുകയായിരുന്നു.
ഫ്ലാറ്റിലുണ്ടായിരുന്ന രണ്ടുപേരാണ് കുട്ടിക്ക് മയക്ക് മരുന്ന് നല്കിയത്. തുടര്ന്ന് 4,000 രൂപ നല്കി കോഴിക്കോട് ബീച്ചില് ഇറക്കി വിടുകയും ചെയ്തു. വെള്ളയില് സ്റ്റേഷനിലാണ് കേസ് രജിസ്റ്റര് ചെയ്തത്. പെണ്കുട്ടി പെരിന്തല്മണ്ണയില് നിന്ന് കോഴിക്കോട്ടേക്ക് 23ന് എത്തുകയും തുടര്ന്ന് പീഡനത്തിരയാവുകയുമായിരുന്നുവെന്ന് പൊലീസ് പറഞ്ഞു. പെണ്കുട്ടിക്ക് മയക്കുമരുന്ന് നല്കി പല തവണ ലൈംഗികാതിക്രമത്തിന് ഇരയാക്കിയെന്നാണ് കേസ്. പീഡനത്തിന് ശേഷം ബീച്ചില് ഇറക്കിവിട്ട പെണ്കുട്ടിയെ പെരിന്തല്മണ്ണ പൊലീസ് കണ്ടെത്തുകയും മൊഴിയെടുത്ത് കേസ് രജിസ്റ്റര് ചെയ്യുകയുമായിരുന്നു.
രക്ഷിതാക്കളുമായി പിണങ്ങി വീട് വീട്ടിറങ്ങിയ പെണ്കുട്ടി പെരിന്തല്മണ്ണയില്നിന്ന് ബസ് കയറി കോഴിക്കോട് ബീച്ചിലെത്തുകയായിരുന്നു. ഞായറാഴ്ച പുലര്ച്ചെ രണ്ടുമണിക്ക് യുവാക്കള് ബീച്ചില്നിന്നും പെണ്കുട്ടിയെ ഫ്ലാറ്റിലെത്തിച്ചത്. കുട്ടിയെ കാണാനില്ലെന്ന് വീട്ടുകാര് നല്കിയ പരാതിയില് പെരിന്തല്മണ്ണ പോലീസ് നടത്തിയ അന്വേഷണത്തിലാണ് കുട്ടിയെ ബീച്ചില് കണ്ടെത്തിയത്. പെണ്കുട്ടിയുടെ മൊഴിയുടെ അടിസ്ഥാനത്തില് വെള്ളയില് സ്റ്റേഷനിലാണ് കേസ് രജിസ്റ്റര് ചെയ്തത്.
