ഏറെ കാലത്തെ പ്രണയത്തിനൊടുവിൽ സ്കൂളിലെ ബസ് ഡ്രൈവറെ തന്നെ കല്യാണം കഴിച്ചു; എല്ലാം മറന്ന് ഒരുമിച്ച് ജീവിച്ച് തുടങ്ങിയ നാളുകൾ; ഇടയ്ക്ക് ചെറിയ പ്രശ്നങ്ങൾ കാരണം പിരിയാൻ ഒരുങ്ങിയെങ്കിലും വീണ്ടും ഇണങ്ങി ബന്ധം; പാനൂരിലെ അധ്യാപികയുടെ മരണത്തിൽ ദുരൂഹത ഉണ്ടെന്ന് കുടുംബം; അന്ന് ഭർത്താവിന്റെ വീട്ടിൽ സംഭവിച്ചതെന്ത്?
പാനൂർ: ചെണ്ടയാട് അധ്യാപികയെ തൂങ്ങി മരിച്ച നിലയിൽ കണ്ടെത്തിയ സംഭവത്തിൽ ദുരൂഹതയാരോപിച്ച് കുടുംബം പോലീസിൽ പരാതി നൽകി. പാട്യം വെസ്റ്റ് യുപി സ്കൂൾ അധ്യാപികയായ അഷികയെ (31) ആണ് മഞ്ഞക്കാഞ്ഞിരം ദീപിക ഗ്രൗണ്ടിന് സമീപം കുനിയിൽ ചമ്പടത്തുള്ള ഭർത്താവിന്റെ വീട്ടിൽ മരിച്ച നിലയിൽ കണ്ടെത്തിയത്.
ഇതേ സ്കൂളിലെ ബസ് ഡ്രൈവറായ ശരത്താണ് അഷികയുടെ ഭർത്താവ്. പ്രണയ വിവാഹിതരായ ഇവർക്കിടയിൽ മുൻപ് വൈവാഹിക പ്രശ്നങ്ങളുണ്ടായിരുന്നു. തുടർന്ന് വിവാഹമോചനത്തിന് ഒരുങ്ങിയെങ്കിലും പിന്നീട് ഒരുമിച്ച് ജീവിക്കാൻ തീരുമാനിക്കുകയായിരുന്നു.
അഷികയുടെ സംസ്കാരം ഇന്നലെ വൈകിട്ട് നടന്നു. സംസ്കാര ചടങ്ങുകൾക്ക് ശേഷമാണ് കുടുംബം മരണത്തിൽ ദുരൂഹതയാരോപിച്ച് പോലീസിനെ സമീപിച്ചത്. രുദ്രൻ ആണ് അഷികയുടെ മകൻ. അശോകൻ-രോഹിണി ദമ്പതികളുടെ മകളാണ് അഷിക.
കണ്ണൂർ പാനൂരിൽ യുവ അധ്യാപികയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയ സംഭവം നാടിനെ നടുക്കിയിരിക്കുകയാണ്. പ്രാഥമികമായി ആത്മഹത്യയെന്ന് കരുതപ്പെടുന്നുണ്ടെങ്കിലും, മരണത്തിൽ കടുത്ത ദുരൂഹതയുണ്ടെന്ന് ആരോപിച്ച് കുടുംബം രംഗത്തെത്തി. സംഭവത്തിൽ കൃത്യമായ അന്വേഷണം വേണമെന്നും സത്യം പുറത്തുകൊണ്ടുവരണമെന്നും ആവശ്യപ്പെട്ട് അധ്യാപികയുടെ ബന്ധുക്കൾ പോലീസിൽ പരാതി നൽകി.
മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകി. പോസ്റ്റ്മോർട്ടം റിപ്പോർട്ട് പുറത്തുവരുന്നതോടെ മരണകാരണത്തിൽ കൂടുതൽ വ്യക്തത ലഭിക്കുമെന്ന് പോലീസ് അറിയിച്ചു. പാനൂർ മേഖലയിൽ സമാനമായ രീതിയിൽ മുൻപും ചില മരണങ്ങൾ റിപ്പോർട്ട് ചെയ്യപ്പെട്ട സാഹചര്യത്തിൽ, ഈ കേസിൽ സമഗ്രമായ അന്വേഷണം വേണമെന്ന ആവശ്യം ശക്തമാണ്.
മരണത്തിന് പിന്നിൽ ആരെങ്കിലും ഉണ്ടെങ്കിൽ അവരെ നിയമത്തിന് മുന്നിൽ കൊണ്ടുവരുന്നത് വരെ പോരാടുമെന്ന ഉറച്ച നിലപാടിലാണ് അധ്യാപികയുടെ കുടുംബം.
