തെരുവിലൂടെ ബുർഖ ധരിച്ച് നടത്തം; കണ്ടാൽ സംശയം തോന്നിപ്പിക്കുന്ന പെരുമാറ്റം; നാട്ടുകാർ തടഞ്ഞുനിർത്തി പരിശോധിച്ചതും അമ്പരപ്പ്; നീ..എന്തിന് ഇവിടെ എത്തിയെന്ന ചോദ്യത്തിന് വിചിത്ര മറുപടി; യുവാവ് വേഷം കെട്ടി എത്തിയത് മറ്റൊരു ആവശ്യത്തിന്
ഡെവോറിയ: യുവതിയെ രഹസ്യമായി കാണാനെത്തിയ യുവാവ് ബുർഖ ധരിച്ച് നാടിന് കൗതുകക്കാഴ്ചയായി. സംശയാസ്പദമായ സാഹചര്യത്തിൽ കണ്ടതിനെ തുടർന്ന് നാട്ടുകാർ ചോദ്യം ചെയ്തപ്പോഴാണ് യുവാവിൻ്റെ വേഷം വെളിപ്പെട്ടത്. ഉത്തർപ്രദേശിലെ ഡെവോറിയയിലാണ് സംഭവം നടന്നത്. സുഹൈൽ എന്ന യുവാവാണ് പിടിയിലായത്.
റോഡരികിൽ സംശയകരമായ രീതിയിൽ ഒരാൾ നിൽക്കുന്നത് ശ്രദ്ധയിൽപ്പെട്ട നാട്ടുകാർ ഉടൻ തന്നെ അങ്ങോട്ട് എത്തുകയായിരുന്നു. ബുർഖ ധരിച്ചെത്തിയ വ്യക്തിയോട് നാട്ടുകാർ വിശദീകരണം ചോദിച്ചു. ഇവർ ചോദ്യം ചെയ്യുന്നതിനിടയിൽ, യുവാവ് ബുർഖ അഴിക്കുകയും താൻ ഒരു പുരുഷനാണെന്ന് വെളിപ്പെടുത്തുകയുമായിരുന്നു. ഇതിൻ്റെ ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നുണ്ട്.
ചോദ്യം ചെയ്യലിൽ, തൻ്റെ പേര് സുഹൈൽ എന്നും താൻ പിപ്പർവാരിയിലെ താമസക്കാരനാണെന്നും യുവാവ് വെളിപ്പെടുത്തി. തൻ്റെ സഹപാഠിയായ ഒരു ഹിന്ദു പെൺകുട്ടിയെ കാണാനാണ് താൻ ബുർഖ ധരിച്ച് എത്തിയതെന്നും ഇയാൾ സമ്മതിച്ചു. സംഭവം കൂടുതൽ ആളുകൾ അറിഞ്ഞതോടെ സ്ഥലത്ത് വലിയ ജനക്കൂട്ടം തടിച്ചുകൂടി. തുടർന്ന് നാട്ടുകാർ പോലീസിൽ വിവരമറിയിക്കുകയും പോലീസ് സ്ഥലത്തെത്തി സുഹൈലിനെ അറസ്റ്റ് ചെയ്യുകയുമായിരുന്നു.
ഈ വിഷയത്തിൽ യുവതിയുടെ കുടുംബം ഇതുവരെ ഔദ്യോഗികമായി പരാതികളൊന്നും നൽകിയിട്ടില്ല. എന്നിരുന്നാലും, യുവാവിൻ്റെ വിചിത്രമായ ഈ നടപടി നാട്ടുകാർക്കിടയിൽ വലിയ ചർച്ചകൾക്ക് വഴിവെച്ചിട്ടുണ്ട്. സുഹൈലിനെ പോലീസ് വിശദമായി ചോദ്യം ചെയ്തു വരികയാണ്. ഈ സംഭവത്തിൻ്റെ തുടരന്വേഷണം പോലീസ് ഊർജിതമാക്കിയിട്ടുണ്ട്.
