തിരുവനന്തപുരം പൗഡിക്കോണത്ത് 11 വയസുകാരി തൂങ്ങിമരിച്ച നിലയില്‍; വീടിനുള്ളിലെ ജനലില്‍ റിബണ്‍ കൊണ്ട് കഴുത്തില്‍ കുരുക്കിട്ട നിലയില്‍
തിരുവനന്തപുരം പൗഡിക്കോണത്ത് 11 വയസുകാരി തൂങ്ങിമരിച്ച നിലയില്‍
തിരുവനന്തപുരം: തിരുവനന്തപുരം ശ്രീകാര്യം പൗഡുകോണത്ത് 11 വയസുകാരി തൂങ്ങിമരിച്ച നിലയില്‍. വീടിനുള്ളിലെ ജനലില്‍ റിബണ്‍ കൊണ്ട് കഴുത്തില്‍ കുരുക്കിട്ടതായി കണ്ടെത്തി. കുട്ടിയെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കുട്ടികള്‍ തമ്മല്‍ കളിക്കുന്നതിനിടെ സംഭവിച്ചതാകാമെന്നാണ് നിഗമനം.മാതാപിതാക്കള്‍ വീട്ടിലില്ലാത്ത സമയത്താണ് സംഭവം.
ഉച്ചയ്ക്ക് രണ്ടരയോടെ ആണ് സംഭവമുണ്ടായത്. ഇളയ കുട്ടിയാണ് വിവരം അയല്‍ക്കാരെ അറിയിച്ചത്. വിവരം അറിയിച്ചതിനെ തുടര്‍ന്ന് അയല്‍ക്കാരെത്തി റിബണ്‍ മുറിച്ച് കുട്ടിയെ ആശുപത്രിയിലെത്തിക്കുകയായിരുന്നു. ഗുരുതരാവസ്ഥയില്‍ എസ്എടി ആശുപത്രിയില്‍ പ്രവേശിപ്പിച്ചെങ്കിലും കുട്ടി മരിക്കുകയായിരുന്നു.
ഓട്ടോ ഡ്രൈവറായ പിതാവും സ്വകാര്യ ആശുപത്രി ജീവനക്കാരിയായ മാതാവും വീട്ടിലില്ലായിരുന്നു. കുട്ടികള്‍ തമ്മില്‍ കളിക്കുന്നതിനിടെയില്‍ സംഭവിച്ചതാകാം എന്നാണ് പ്രാഥമിക നിഗമനം. അതേസമയം, സംഭവത്തില്‍ ശ്രീകാര്യം പൊലീസ് കേസെടുത്ത് അന്വേഷണമാരംഭിച്ചു.
