പാലക്കാട്: മണ്ണാർക്കാട് 12 കിലോ കഞ്ചാവും 5 ഗ്രാം മെത്താഫിറ്റമിനുമായി രണ്ടു പേരെ പോലീസ് പിടികൂടിയത് സാഹസികമായി. കൈ കാണിച്ചിട്ടും നിർത്താതെ പോയ വാഹനങ്ങളെ പിന്തുടർന്ന് പിടികൂടുകയായിരുന്നു. സംഭവത്തിൽ തൃശൂ൪ സ്വദേശി അരുൺ, മലപ്പുറം സ്വദേശി അയ്യൂബ് എന്നിവരെയാണ് പോലീസ് അറസ്റ്റ് ചെയ്തത്. പോലീസിനും ഡാൻസാഫിനും ലഭിച്ച രഹസ്യവിവരത്തിൻ്റെ അടിസ്ഥാനത്തിലായിരുന്നു പരിശോധന. രാവിലെ മുതൽ വാഹന പരിശോധന തുടങ്ങിയിരുന്നു.

മണ്ണാ൪ക്കാട് അരക്കുറുശ്ശി ബൈപ്പാസിൽ പോലീസും ഡാൻസാഫും പരിശോധന നടത്തി. പരിശോധനയ്ക്കിടെ വന്ന രണ്ട കാറുകൾ കൈ കാണിച്ചിട്ടും നി൪ത്താതെ പോയിരുന്നു. തുടർന്ന് പോലീസ് കാറിനെ പിന്തുട൪ന്നു.

പോലീസ് പിന്തുടരുന്നത് ശ്രദ്ധയിൽപെട്ട പ്രതികൾ കാ൪ നി൪ത്തി ഓടി രക്ഷപ്പെടാൻ ശ്രമിച്ചു. എന്നാൽ ഇതിനിടെയാണ് പ്രതികളെ പോലീസ് പിടികൂടിയത്. പിടിച്ചെടുത്ത കാറിൽ നിന്ന് രണ്ട് വലിയ ചാക്കുകെട്ടുകളിലായാണ് കഞ്ചാവ് കണ്ടെത്തിയത്.

കൂടാതെ രണ്ടു കാറുകളിൽ നിന്നായി 12.270 കിലോഗ്രാം കഞ്ചാവും, പേഴ്സിൽ സൂക്ഷിച്ചിരുന്ന അഞ്ച് ഗ്രാം മെത്താഫിറ്റമിനും പിടിച്ചെടുത്തു. ഡീല൪ വഴി തമിഴ്നാട്ടിൽ നിന്നെത്തിച്ച കഞ്ചാവ് പാലക്കാട്, മലപ്പുറം ജില്ലകളിൽ വിതരണം നടത്തുകയായിരുന്നു പ്രതികളുടെ ലക്‌ഷ്യം. മുൻപും നിരവധി തവണ ഇവർ അന്യസംസ്ഥാനങ്ങളിൽ നിന്നും ലഹരിമരുന്നുകൾ കടത്തിയിട്ടുണ്ടെന്ന് പോലീസ് പറഞ്ഞു.

മണ്ണാർക്കാട്പോലീസ്ഡാൻസാഫ്അറസ്റ്റ്

സ്വന്തം ലേഖകൻ